طالبان گروهی نینگ قطرده‌گی سیاسی دفتری سوزلاوچیسی سهیل شاهین نینگ توییتر صحیفه‌سیده یازیشیچه، بوگون "سه‌شنبه" آمریکا نماینده‌لری بیلن صورت تاپگن ییغینده تینچلیک کیلیشوونامه‌سی نهایی بولیشی توغریسیده و حرکت قیلینیه‌دی.
جناب شاهین نینگ توییتر آرقه‌لی یازیشیچه، «ایرته ساعت 10 یرم گچه آمریکا نماینده‌لری بیلن بولگن سوزلشوولر دوام قیله‌دی و کیلیشوونامه سونگی بولیم‌لرینی نهایی قیلیش اوچون سعی و حرکت قیله‌میز.»
بیراق، افغانستان تینچلیک لایحه‌سی بوییچه آمریکا خاص نماینده‌سی زلمی خلیلزاد، حاضرگه‌قدر بو توغریده فکر بیلدیرمه‌گن.
باشقه تاماندن اوتگن کونی آمریکا جمهور باشلیغی دونالد ترامپ نینگ آمریکا و طالبان گروهی آره‌سیده بولگن سوزلشوولرگه اشاره قیلیب ایتیشیچه، اوز کوچلرینی افغانستاندن چیقاریشی خصوصیده زمانی جدول یوق دیر و بوتوغریده عجله قیلمه‌یدی.
افغانستاندن چیت‌ایللیک کوچلرنینگ چیقاریلیشی تینچلیک سوزلشوولرده طالبان گروهی نینگ اصلی شرط لریدن دیر.
اوتگن کونی جمهورلیک ریاستی سوزلاوچیسی صدیق صدیقی نینگ خبری بیر ییغین آرقه‌لی ایتیشیچه، تینچلیک سوزلشوولر تامانلری حاضرگه‌قدر هیچ‌قندی نتیجه‌گه قول تاپمه‌گن و کیلیشیلگن صورتده، کیلیشوونامه امضا قیلینمسدن آلدین افغانستان حکومتی جریان‌گه قوییله‌دی.
تینچلیک سوزلشوولرنینگ 9- دوری اوتگن هفته پنجشنبه کونی قطر باشکنتی دوحه شهریده باشلندی و حاضرگه‌قدر دوامی بار.
