.jpg)
د سعودي عربستان کنفرانس ته د نړۍ ۵۴ اسلامي هېوادونو ته د بلنې ترڅنګ ایران ته د ګډون بلنه نه وه ورکړل شوې.
د چارو یو شمېر شنونکي پهدې اند دي، چې د ریاض په کنفرانس کې د ایران نه ګډون به په پرېکړو ناوړه اغېز وکړي.
د سیاسي چارو کارپوه، توپان وزیري وایي، ایران په سیمه کې په تېره د شعیهګانو لهپاره زیات ارزښت تر څنګ په امنیتي او اقتصادي لحاظ د سیمې ځواکمن هېواد دی او د روسیه یې په سیمه کې مهم ملاتړې ده.
وزیري همدارنګه وايي، دا چې د ریاض کنفرانس موخه د ترهګرۍ پرضد مبارزه وه؛ نو اړینه وه، چې د ایران سټراټیژیک بُعد ته په کتو سره پهدې کنفرانس کې د ګډون بلنه ورکړل شوې وی. نه ګډون یې د کنفرانس لاسته راوړنې اغېزمنولی شي.
د چارو بل شنونکی فیضالله جلال د ریاض کنفرانس مهم بولي او پر وینا یې، داسې مهال جوړېږي، چې منځني ختیځ کې جګړه ده او ډېر اسلامي هېوادونه په جګړه کې ښکېل دي.
.jpg)
جلال وايي، د سعودي عربستان کنفرانس ته د امریکا ولسمشر ورتګ، د داعش او ترهګرۍ پر خلاف یو ځل بیا د مبارزې اعلان؛ خو په هغه کې تهران ته بلنه نه ورکول یې پایله ټکنۍ کولی شي.
دی وايي، د ایران غیابت د شیعهګانو تشه ده او هره پرېکړه، چې د شیعهګانو په غیاب کې وشي؛ منځني ختیځ او ډېرو نورو هېوادونو کې ستونزې پیدا کوي.
د چارو بل کارپوه جمالدین بدر بیا سعودي عربستان په اسلامي نړۍ کې مهم هېواد ګڼي او تهران دومره بانفوذه هېواد نهګڼي، چې د ریاض کنفرانس لاسته راوړنې تر سیوري لاندې راولي؛ خو ټینګار کوي، چې د سعودي او ایران ترمنځ ستونزې اسلامي نړۍ ته یو ناورین دی.
دی وایي، ایران په ډېرو هېوادو کې لاسوهنه کوي او عربستان یې اړ کړی، چې خپل دریځ پیاوړی کړي.
د سعودي عربستان په پلازمېنه ریاض کې د اسلامي هېوادونو کنفرانس داسې مهال دوام لري، چې افغان ولسمشر محمد اشرف غني او د امریکا ولسمشر ډونالډ ټرمپ هم پهکې ګډون کړیدی.
