بغلان ولایتی‌نینگ مرکزی بغلان ولسوال‌لیگی‌نینگ اونلب اهالی‌سی، ولایت مقامی همده ایکینچیلیک فاکولته‌سی پلخمری شهریگه کوچیریلیب کیتیلگن‌لیگی‌گه قرشی بیش کوندن بیری اعتراض بیلدیریب، قندوز، تخار و بدخشان ولایت‌لری عمومی یولینی یاپگن‌لر.
اعتراضچی‌لر حکومت‌دن ایکینچیلیک فاکولته‌سی و ولایت مقامی قیته‌دن مرکزی بغلان‌گه آلیب کیلینیشینی سوره‌گن‌لر. ناراضیلیک نمایش اوتکزگن‌لر دولت ایستک‌لریگه اعتبار بیرمه‌گن حالده، اعتراض‌لریگه دوام بیریش‌نی ایتگن‌لر.
مذکور عمومی یول‌نینگ یولاوچی‌سی باشی بیرک کوچه‌گه کیریب قالگن مشکل‌گه روپه ره بولگن‌لر. اولرگه کوره، نیچه کوندن بیری عمومی یول ترافیک یوزیگه آچیلیش‌نی کوته دیلر.
عین حالده، ولایت مقامی و ایکینچیلیک فاکولته‌سی مرکزی بغلان‌دن پلخمری شهریگه کوچیریلیب کیتیشی اوچون اعتراض بیلدیرگن اهالی ایاغینی کابل‌ده جایلشگن ملی کینگشی بناسی قرشی‌سیگه تارتگن.
مذکور اعتراضچی‌لردن بیری عبدالنبی بارکزی‌نینگ ایتیشیچه، بغلان ایکینچیلیک فاکولته‌سی بوندن نیچه وقت آلدین یوز بیرگن نابرقرارلیک‌لر باعث مرکزی بغلان‌دن پلخمری شهریگه انتقال بیریلگن، حال بوکه مذکور ولسوال‌لیک‌ده نابرقرارلیک اونچه‌لیک تهدیدلی بولمه‌گن.
اعتراضچی‌لر ایریم کیشی‌لر شخصی منفت‌لری تامین ایتیلیشی اوچون ولایت بناسی بیلن ایکینچیلیک فاکولته‌سینی پلخمری شهریگه کوچیریب کیلگن‌لر. ایتیلیشیچه، ولایت مقامی بوندن 27 ییل آلدین سابق جمهور رییس داکتر نجیب الله زمانیدم خوف‌سیزلیک تهدیدلردن امانده بولیش اوچون پلخمری شهریدن مرکزی بغلان‌گه کوچیریلگن.
مذکور اعتراض‌لر بارهسیده گپیرگن نماینده‌لر مجلسی‌نینگ اعضالریدن عبدالرحیم ایوبی، مذکور اداره‌لر مرکزی بغلان‌گه قیته کوچیریلیب باریشی اوچون ملی مجلس‌نینگ عمومی ییغینی‌ده موضوع بارهسیده گپیریشی‌نی ایتگن.
