انسان قاچاقی و افغانستان امنیتی کوچلری آرهسیده بالهلردن سو استعمال قیلیش و بچهبازلیک توغریسیده آمریکا تشقی ایشلر وزیرلیگی نینگ ییللیک گزارشی نشر ایتیلگنیدن کیین، مملکت ایچکی ایشلر وزیرلیگی نینگ ایتیشیچه، یاشی 18 دن قویی بولگن کیشیلر پولیس صفتیده استخدام ایتیلیشی نی آلدی آلینهدی.
بوگون (یکشنبه 8- سرطان) مملکت ایچکی ایشلر وزیرلیگی بیر اعلامیه آرقهلی ایتیشیچه، آمریکا تشقی ایشلر وزیرلیگی نینگ گزارشی نی اوقیب و «اوتگن اصلاحاتلرنینگ دوامیده، بو توغریده عملی اقدام قیلینگن.»
ایچکی ایشلر وزیرلیگی نینگ اعلامیهسیده کیلیشیچه، مذکور وزیرلیک یاشی 18 دن قویی بولگن کیشیلرنینگ استخدام ایتیلیشی نی آلدی آلینیشی اوچون «ایچکی خوفسیزلیک ریاست» نامیده بیر اداره ایجاد قیلگن کیم پولیس نینگ قندهی رفتار قیلیشی و بالهلرنینگ استخدام ایتیلیشی آلدی آلینیشی نی جدی شکلده نظارت قیلهدی.
ایچکی ایشلر وزیرلیگی نینگ کوپهیتیریشیچه، پولیس نینگ کیملیگی و معلوماتلری انیقلنیشی اوچون «اپس» سیستمی نی ایجاد قیلگن و بو سیستم 18 دن قویی بولگن کیشیلر ملی پولیس صفیده قتنهشیشی نی آلدینی آلهدی.
ایچکی ایشلر وزیرلیگی نینگ معلوماتی اساسیده، حاضرگچه مذکور وزیرلیک منسوبلریدن 80 فایزی بو سیستم گه کیریتیلگن.
آمریکا تشقی ایشلر وزیرلیگی ییللیک گزارشی گه انسان قاچاقی توغریسیده ایتشیچه «ملی اردو، ملی پولیس و محلی پولیس مسئوللری تامانیدن بچهبازلیک توغریسیده هر دایم گزارش بار، بیراق افغانستان ده افسرلر بچهبازلیک اوچون هیچ قچان جزالنیتریلمهگن.»
اوشبو گزارش گه کیلیشیچه، افغانستان ایچکی ایشلر وزیرلیگی و ملی خوفسیزلیک ریاستی بو عیبلاولرنی هردایم رد قیلیب ایتیشلریچه، 18 دن قویی بولگن کیشیلر عسکر صفتیده استخدام قیلینمهگن.
آمریکا تشقی ایشلر وزیرلیگی نینگ ایتیشیچه، مذکور گزارش تیارلهنیش جریانیده، دولتی نهادلرده بچهبازلیک و 18 دن قویی بولگن کیشیلر عسکر صفتیده استخدام ایتیلیشی توغریسیده نیچه موضوع قید ایتیلگن.
