بوگون «دوشنبه» کابل‌ده خبری بیر ییغین اوتکزگن افغانستان شفافیت اداره‌سی مسؤوللری‌نینگ ایتیشیچه، چیت ایللیک میدیالر تامانیدن بیریلگن گزارشلر اساسیده، افغانستان حکومتی کیله‌جک یقین آره‌ده کته و اورته کانلر شرطنامه‌لرینی امریکالیک شرکت‌لر اینیقسه امریکالیک بلک‌واتر خوفسیزلیک خصوصی شرکتی‌نی اساسچیسی اریک پرینس بیلن امضاءلشی بیلدیریلگن؛ بیراق حاضرگه‌قدر خلق بو شرطنامه‌لردن خبرسیز دیر.
شفافیت اداره‌سی‌نی اجراییه باشلیغی سیداکرام افضلی، بلک‌واتر شرکتی‌نی ناتوغری بیر شرکت دیب و افغانستان بیلن امریکا آره‌سیده کانلر شرطنامه‌لریگه قول قوییلیشی‌نی ایکی مملکت منفعتی گه ایمس دییدی.
جناب افضلی‌نینگ کوپه‌یتیریشیچه، حاضرگی شرایط‌ده افغانستان هیچ قنده‌ی شرطنامه امضاءلش گه تیار ایمس دیر؛ اینیقسه کته و اورته کانلر شرطنامه‌لری خاص بیر شرایط ایسته‌یدی. اونینگ آگاه‌لنتیریشیچه، حاضرگی وضعیت‌‌ده شفافیت ایجاد ایتیلیشی اوچون اصلاحات کیریتیلمس‌دن عمل گه آشیریلگن هر قنده‌ی حرکت افغانستان اهالیسی‌نینگ زیانی‌گه بوله‌دی.
بیراق، کانلر و پترولیم وزیرلیگی بو بیانات‌لرنی رد قیله‌دی و مذکور وزیرلیک سوزلاوچیسی عبدالقدیر لطفی‌نینگ ایتیشیچه، شرطنامه‌لر افغانستان کابینه‌سی و اقتصاد کینگشی کیلیشووی اساسیده امضاءلنه‌دی و حاضرگچه مملکت کانلری‌نینگ شرطنامه‌لری توغریسیده کیلیشیلمه‌گن.
شفافیت اداره‌سی‌نینگ مسؤوللری، جمهور رییس دن امریکالیک شرکت‌لر بیلن هر بیر شرطنامه‌نی امضاءلش دن آلدین، برچه شفافیت و حسابات مسئله‌لرینی نظرگه آلیب و شونینگ‌دیک، بو توغریده بیرگن سوزلرینی عمل‌گه آشیریشینی سوره‌گن.
