خوست ولایتی‌ده، اولکه ایریم ولایت‌لریدن شاعر و مدنیت‌چیلری‌نینگ شعری ییغینی‌ده ماین پارتله‌نیشی بیلن یکونلنه‌دی.
اوشبو پارتله‌ش پنج‌شنبه کونی ایرته‌لب ساعت 10 ثور آیی‌نینگ 17 سیده یوز بیرگن.
مذکور پارتلش، تینچ‌لیک و شاعرلرنی صمیمی فضاسی‌نی توپلنگ و قان فضاسیگه اوزگرتیردی.
خوست والی‌سی‌نینگ سوزلاوچی‌سی مبارز زدران‌نینگ ایتیشیچه، واقعه نتیجه‌سیده 9 کیشی یره‌لنگن. ایتیلیشیچه یره‌لنگن‌لردن 6 ته‌سی پولیس و باشقه 3 ته‌سی تینچ اهالی بولگن.
بو مراسم خوست شهری‌نینگ جرگه تالاریده یولگه قوییلیب، اولکه ایریم ولایت‌لری مدنیت‌چیلری، یازوچی و شاعرلری اشتراک ایتگن ایدی.
خوست ولایت اورین باسری عبدالواحد پتان‌نینگ مذکور مراسم آچیلیشی‌ده قتنه‌شیب ایتیشیچه، شونقه احتفال‌لر یولگه قوییلیشی افغانستان‌نی بیرلیک، ثبات و تینچ‌لیگی مستحکم‌له‌شیگه تاثیر تشله‌شی ممکن.
حاضرگچه هیچ بیر گروه اوشبو هجوم مسؤولیتی‌نی بوینیگه آلمه‌گن.
طالب‌لر نیچه کون آلدین بیر اعلامیه آرقه‌لی میدیالر و مدنی فعال‌لرنی فعالیت‌لریگه دوام بیرگن صورتده هدف آلینه‌دی دبب تهدید قیلگن ایدی.
طالب‌لر سونگی مرته، فرانسه مدنیت مرکزیده تیاتر کورگزمه سیده پارتلش هجومی‌نی اویوشتیریب، بیر آلمان‌لیک خانم و بیر افغان خبرچی قتلی و باشقه 20 کیشی تماشاچی‌لرنینگ تن جراحت آلیشی‌گه سبب بولگن ایدی.
