شاهین اسمایي سبا له تاجکستانۍ لوبډلی سره مهمه سیالي کوي

ټاکل شوې، د افغانستان په استازیتوب شاهین اسمایي فوټبال لوبډله سبا له تاجکستانۍ حاصلات فرخور لوبډلې سره د راتګ پړاو لوبه وکړي.

د افغانستان فوټبال فدراسیون له خوا د ورکړل شویو معلوماتو له مخی، سیالۍ به سبا د افغانستان په وخت مازدیګر ۴ نیمې بجې په تاجکستان کې ترسره شي.

د دواړو لوبډلو ترمنځ لومړۍ تګ پړاو لوبه کې کوربه تاجکستانۍ حاصلات فرخور لوبډلې ۱ د ۰ ګول په وړاندې بریا ګټلې وه.

د یادونې وړ ده، چی شاهین اسمایي د اسیا فوټبال کلپونو جام ټاکنیزپړاو سیالیو کې بل پړاو ته د رسېدو په موخه باید د سبا ورځې سیالي په ستر توپیر وګټي.

د ورکړل شویو معلوماتو له مخې، د سبا ورځې سیالۍ به د فوټبال مینه والو ته په ژوندۍ بڼه د تلویزونونو له لارې هم خپره شي.

شاهین اسمایي د افغانستان فوټبال غوره لیګ سیالیو ریکارډ ۳ ځلې اتله ده؛ خو د تاجکستان حاصلات لوبډله بیا د دغه هېواد په لومړۍ لیکه سیالیو کې دویم مقام لري.