افغانستان بوییچه امیریکه‌نینگ خاص تیکشیروچی دفتری (SIGAR) افغانستان معارف وزیرلیگی‌ده امیریکه قوشمه ایالت‌لری یاردم‌لری تیکشیریلیشی‌نی سوره‌دی. بو اداره نینگ ایتیشیچه، معارف وزیرلیگی رسمی‌لری اصلده موجود بولمه‌گن اوقوتووچیلر و مکتب‌لر نامی‌گه، کوپ پول‌نی اوز جیبه لری‌گه اورگن.
بوندن آلدین‌هم شونینگ‌دیک مکتب‌لر، اوقوتووچیلر و تربیه‌وی اداره‌لرده قوللاب کارلیک یوزبیرگنی توغری‌سیده گزارش ترقه‌تیلگن ایدی.
مملکت ینگی معارف وزیری انچه پیت آلدین، ناتینچ منطقه لرده مکتب و تربیه‌وی اداره فعالیت قیلمه‌گنی و سابق رسمی‌لرنینگ قوللاب کارلیک‌که عیب لگن. اونینگ کوپه‌یتیریشیچه، افغانستان معارف وزیرلیگی رسمی‌لری کوپینچه یاردم قولگه کیریتیش اوچون قوللاب کارلیک قیلگن.
مملکت معارف وزیری اسدالله حنیف بلخی، مذکور وزیرلیکده‌گی موجود مالی و اداری فسادنی یاردم بیروچی تشقی مملکت‌لر دقت سیزلیگی‌گه سبب بولگن دییدی.
امیریکه قوشمه ایالت‌لری خاص تیکشیروچی دفتری مذکور مملکت نینگ افغانستان‌ده‌گی کینگیتیریش اداره‌سی (USAID) دن بو توغریده معلومات بیریشینی سوره‌دی.
سیگار تامانیدن، امیریکه قوشمه ایالت‌لری کینگیتیریش اداره‌سی‌گه یوباریلگن نامه‌ده سوراق‌لنیشیچه، بو اداره خیالی اوقوتووچیلر و مکتب‌لر اوچون تول‌لنگن پول‌لر میزانی توغری‌سیده حجتی بارمی؟
شونینگ‌دیک بونامه‌ده امیریکه‌نینگ کینگیتیریش اداره‌سیدن حاضرگه قدر خیالی اوقوتووچیلر و مکتب لر توغری‌سیده تیکشیرگنی‌نی سوره‌گن.
عین حالده، مملکت سابق معارف وزیری فاروق وردک، میدیالر بیلن قیلگن صحبتی‌ده بو ادعالرنی رد ایتیب، اونینگ دوره‌سیده مذکور وزیرلیکده قوللاب کارلیک یوزبیرمه‌گنیدن خبر بیرگن.
سیگار اداره‌سی‌نینگ باشلیغی جان ساپکو، بیر نامه آرقه‌لی افغانستان بوییچه امیریکه‌نینگ کینگیتیریش اداره‌سیدن مذکور مملکت معارف وزیرلیگی رسمی‌لری توغری‌سیده بولگن ادعالر خصوصیده جدی صورتده تیکشیریشی‌نی سوره‌گن.
شونینگ‌دیک اوشبو نامه‌ده سیگار اداره‌سی باشلیغی امیریکه قوشمه ایالت لری یاردم‌لری میزانی‌دن ایسلب ایتیشیچه، بو مملکت بو ییل می آیی‌دن بویان تربیه‌وی زمینه‌لر توغری‌سیده 769 میلیون دالر خرچ قیلگن.
