یقیین‌لیک و برقرارلیک و ملی جنبش حزب ییریک بیر اعضاسی نینگ ایتیشیچه، اوشبو تیم رهبرلری ارگ تامانیدن بیریلگن تکلیف نی رد قیلگن.
اونگه کوره، جمهورلیک ریاست سیلاو نتیجه‌سی بیکار اعلام قیلنگونگه قدر، کیلیشمه‌یدیلر.
ملی جنبش حزب سوزلاوچیسی بشیر احمد ته‌ینچ نینگ ایتیشیچه، مشارکتی بیر حکومت قوریش اوچون همه‌شمول حکومت رهبرلری نینگ برچه‌سینی فکری اساسیده، بیر ریجه ارایه قیله‌دیلر.
اونگه کوره، روسیه، چین، ایران، ترکیه، پاکستان و اورته آسیا مملکت‌لری شامل منطقه نینگ برچه قدرت‌لری افغانستان ده همه‌شمول بیر حکومت قوریلیشی نی ایسته‌یدی.
اونینگ کوپه‌یتیریشیچه، ارگ تامانیدن سپیدار گه بیریلگن تکلیف رد قیلینگن.
یقیین‌لیک و برقرارلیک تیمی نینگ باشقه بیر اعضاسی فضل‌احمد معنوی بیر توییت آرقه‌لی یازیشیچه، کودتایی آوازلر بیکار قیلینمه‌سدن هیچ قنده‌ی کیلیشوو صورت تاپمه‌یدی و مذکور تیم نینگ قوشمه قراری اوز اورنی گه دیر.
باشقه بیر تاماندن گلبدین حکمتیار رهبرلیگی‌ده اسلامی حزبی بیر خبرنامه نشر قیلیب یازیشیچه، آمریکا ملی بیرلیک حکومت کبی باشقه بیر سهامی شرکت قوریش اوچون حرکت قیلماقده.
خبرنامه گه کیلیشیچه، آمریکا مصالحه کینگشی نامیده قدرت نی ارگ و سپیدار آره‌سیده تقسیم قیلیش اوچون سعی و حرکت قیله‌دی.
شونده‌ی بیر حالده آمریکا نینگ ایتیشیچه، اوشبو مملکت افغانستان ده اوروش یکونله‌نیشی اوچون افغانستان‌لیکلرارا سوزلشوو باشله‌نیشی گه زمینه یره‌تیش اوچون حرکت قیله‌دی.
بو توغریده جمهوررئیس‌لیک سرایی نینگ فکرینی اورگه‌نیش ایسته‌دیک، بیراق کوپینچه سعی و حرکت بیلن موفق بولمه‌دیک.
