افغانستان اخبارات و مدنیت وزیرلیگی‌نینگ نشرات معاونی سیمین‌غزل حسن‌زاده ایشی‌دن چیتلنتیریلدی.
اخبارات ومدنیت وزیرلیگی‌نینگ سرپرستی مصدق خلیلی‌نینگ سلام وطندارگه ایتیشیچه، خانیم حسن‌زاده جمهور رییس‌نینگ فرمانی اساسی‌ده وظیفهسیدن چیتله‌تیلدی.
اما، سیمین حسن‌زاده‌نینگ سلام وطندارگه بیلدیریشیچه، ایشدن آلینگ‌نی اوچون وزیرلیک آرقه‌لی هنوزگچه جریان‌گه قوییلمه‌گن.
فرخنده قتلی، خانیم حسن‌زاده آرقه‌لی توجیه قیلینیشی اجتماعی ترماق‌لرده جدی اعتراض‌لرگه سبب بولدی.
مدنی جماعه‌چیلیک فعال‌لری حسن‌زاده تیزلیک‌ده ایشدن آلینشی‌نی بیلدیرگن ایدی‌لر.
حسن‌زاده قوشیمچه، مولوی ایاز نیازی، سنامجلسی نینگ اعضاسی زلمی زابلی و کابل پولیس قوماندان‌لیگی نینگ سوزلاووچی‌سی حشمت استانکزی‌لر فرخنده اولدیریلیشی‌نی توجیه قیلگن‌لردن.
شونینگ‌دیک حشمت استانکزی نیچه کون آلدین وظیفهسیدن چیتلنتیریلگن ایدی.
عین حالده، افغانستان ایچکی ایشلر وزیرلیگی نینگ جنایی جرملرگه قرشی کوره‌ش اداره‌سی‌نینگ رییسی جنرال ظاهر ظاهر، فرخنده قتلی‌نی توجیه قیلگن‌لرنینگ دوسیه‌سی هم؛ قتل عامل‌لر دوسیه‌سی بیلن دولت باش‌قاره لاووچی‌لیگی‌گه یوباریلیشی‌نی ایتگن.
فرخنده اوتگن ییل حوت آیی‌نینگ 28-سیده کابل نینگ شاه دوشمشیره منطقه‌سیده غضب‌لنگن بیر گروه آرقه‌لی اولدیریلیب، کیین جسدی اوت‌گه یاندیریلگن ایدی. فرخنده‌نی وحشیانه اولدیریلیشی مملکت ایچکریسی شامل تشقی مملکت‌لرده هم جدی عکس‌العمل‌لرگه روپه‌ره بولدی.
