افغانستان جمهورلیک ریاست سیلاوی نینگ نامزدلریدن بیرقطاری، سیلاو کمپاین‌لری نینگ سونگی کونیده پکتیا، بامیان و کابل ولایت‌لریده‌گی طرفدارلری نینگ ییغین‌لریده اشتراک قیلیشگن.
افغانستان جمهور رئیسی و جمهورلیک ریاست سیلاوی نینگ نامزدی اشرف غنی، پکتیالیک طرفدارلری آره‌سیده نطق سوزلب ایتیشیچه، سیلاوده یوتوققه ایریشگن صورتده، پکتیانینگ ترانزیتی و اقتصادی ولایت‌لردن بیری گه اوزگرتیره‌دی.
جمهورلیک ریاست سیلاوی نینگ نامزدلریدن باشقه بیری و اجراییه باشلیغی عبدالله عبدالله نینگ بامیانلیک طرفدارلری آره‌سیده نطق سوزلب ایتیشیچه، اوتگن نیچه دهه ده بو ولایت گه اونچه‌لیک دقت قیلینمه‌گن.
شونینگدیک، جمهور رئیس بیرینچی اورین باسری و عبدالله عبدالله رهبرلیگی‌ده بولگن برقرارلیک و یقینلیک سیلاو تیمی نینگ بیرلشیک‌لریدن بیری جنرال عبدالرشید دوستم، بلخ ولایتیده طرفدارلری نینگ حضوریده جمهور رئیس غنی نینگ رهبرلیگی‌ده بولگن دولت قورووچی تیمی دن تنقید قیلیب ایتیشیچه، بو مرته سیلاوده برقرارلیک و یقینلیک تیمی یوتوققه ایریشه‌دی.
عین دمده، جمهورلیک ریاست سیلاوی نینگ نامزدلریدن باشقه بیری گلبدین حکمتیار، کابل‌ده طرفدارلری نینگ آره‌سیده نطق سوزلب ایتیشیچه، بو سیلاوده اصلی شکلده اوچ تیم رقابت قیلیشه‌دی و بو اوچ تیم آره‌سیده اونینگ رهبرلیگی‌ده بولگن تینچلیک و اسلامی عدالت تیمی حکومتی برنامه‌لریده بوتون اسلامی ارزشلرنی کیریتگن.
عین حالده، جمهورلیک ریاست سیلاوی نینگ نامزدلریدن باشقه بیری رحمت‌الله نبیل، کابل‌ده طرفدارلری نینگ حضوریده حکومتی برنامه‌لرینی ارایه قیلیب ایتیشیچه، دوشمن و دوست دن مشخص بیر تعریف بولمه‌گنی باعث، اوروش میدانیده خوفسیزلیک کوچلری انگیزه‌لرینی قولدن بیریشگن.
جمهورلیک ریاست سیلاوی کیله‌جک ایکی کون، 6- میزان ده یولگه قوییلیشی خصوصیده قرار قیلینگن. بیراق، جمهورلیک ریاست سیلاوی نینگ نامزدلریدن بیرقطاری، بو سیلاوده کینگ تقلب بولیشی‌دن خواطر بیلدیرماقده‌لر.
شو توغریده…
