اوتگن پنجشنبه کونی 10 چنه اوریشلری بیلن سیلاو نظامیگه اصلاحات کیلتیره دیگن کمیسیون اعضالری ایکینچی مرته جمهور رییس تامانیدن معرفی بولدی.
سیلاو نظامیگه اصلاحات کیلتیره دیگن کمیسیوننی باشلیغی و اورین باسرلری دن باشقه 12 عضوی بار و بوجمله دن فقط صبریناثاقب و داکتر عالمه ناملی ایکی عیال عضو بولگن.
بیراق بو ایکی عیال تنله نیشی عیاللر حقوقی مدافعه نهادلری سیلاونی تیکشیره دیگن موسسه لرگه قانیقتیررلی ایمس دیر؛ اولر مذکور کمیسیونده عیاللر اوچون کوپراق سهم بیریلیشینی ایسته یدیلر.
تساوی فرهنگی و اجتماعی موسسه سی نینگ باشلیغی معصومه محمدی نینگ سلام وطندارگه ایتشیچه، سیلاو نظامیگه اصلاحات کیلتیره دیگن کمیسیون اعضالرینی تنله نیشی ده جنسیت مساله سی باره سیده جندر کوزگه توتیلمه گن دیب بیله دی. خانم محمدی گه کوره، عیاللر حقوقی باره سیده فعالیت قیلیب کیله دیگن لر اساسی خواطری، سیلاوقانونی نینگ تعدیل ایتیش پیتیده عیاللر حقوق و امتیازلری کوزگه توتیلمه گن ایکن.
(تیفا) افغانستان سیلاولرینی تینیق و عدالت ده اوتکزه دیگن بنیادی باشلیغی محمدنعیم ایوبزاده گه کوره، مذکور کمیسیونده معرفی بولگن عیاللرنینگ سیلاو و سیلاو قانونلری باره سیده اونچه لیک تجربه لری بولمه گن؛ بوشوپیتده بوله دیکه اونلرچه تجربه لیک عیاللریمیز سیلاو بولیمیده فعال قتنشیشگه کوچلری ایته دی.
شونینگدیک اجرایی ریاست سوزلاوچی اورین باسری جاوید فیصل نینگ سلام وطندارگه ایتشیچه، اصلاح کیلتیره دیگن کمیسیون سیلاو نظامیگه اصلاحات کیلتیریش اوچون ایجاد بولگن و هربیر عضوی نینگ بیر رای بیریش گه حقی بار. جناب فیصل گه کوره، سیلاونظامیگه اوزگریش کیلتیریش اوچون هیچ بیرقنقه تبعیض بولمه گن.
سیلاونظامیگه اصلاح کیلتیریش مساله سی جمهور رییس غنی و اجراییه باشلیغی عبدالله عبدالله ارا سیاسی کیلیشیک بیر بولیمی ایدی، ملی بیرلیک حکومت ایجاد بولیشی بیلن قول قویلگن ایدی. هر حالده ملی بیرلیک حکومتی عیاللرنی سیاسی بولیملرده کوپلب قتنه شیشلری باره سیده تأکید قیلردی، بیراق ایندی کی شرایطده کورینیشیچه، عیاللرنی حمایت و قتنه شیشی اوچون اونچه لیک قیزیقتیرمیدیلر.
