.jpg)
سیلاولر ایرکین کمیسیونی، ایشی‌نی بیرینچی کونلریدن باشلب حاضرگچه، قانون‌نی کیین مه کیین نقض قیلیش‌گه عیب‌لنگن؛ سیلاو تقویمی نقض ایتیلیشی، سیلاو ایکی کونده یولگه قوییلگنی و نماینده‌لر کینگشی سیلاوی‌نینگ دستلبکی نتیجه‌لری استه-سیکین اعلان ایتیلیشی قانون‌گه قرشی سنله‌دی.
سیلاونی نظارت قیلووچی اداره‌لرنینگ ایتیشیچه، سیلاولر ایرکین کمیسیونی تامانیدن نماینده‌لر کینگشی سیلاوی‌نینگ نتیجه‌لری توخته‌تیلیب اعلان ایتیلیشی‌نی سیلاو قانونی گه قرشی دیر و بو مسئله یشاوچیلرنینگ آلدیده کمیسیوننینگ سوراققه دوچ قیله‌دی.
افغانستان ایرکین و عدالت‌لی سیلاولر اداره‌سینی اجراییه باشلیغی یوسف رشیدنینگ سلام‌وطندارگه ایتیشیچه، سیلاو نتیجه‌لری توخته‌تیلیب اعلان ایتیلیشی سیلاولر ایرکین کمیسیونی‌نینگ ایش طریقه سیگه قرشی دیر.
جناب رشید، کمیسیوننینگ کم‌چیلیک‌لرینی تشکیلات کوچسیزلیگی، مدیریت و برنامه‌سیزلیک‌که تیگیشلی بوله‌دی دییدی. اونینگ کوپه‌یتیریشیچه، بو کوچسیزلیک سیاسی اره‌لشوولر و کینگ فسادگه زمینه یره‌ته‌دی.
سیلاولر ایرکین کمیسیونی‌نینگ سوزلاوچیسی‌نی اورین باسری کبرا رضایی‌نینگ ایتیشیچه، سیلاودن نظارت قیلووچی اداره‌لر و یشاوچیلرنینگ خواطری سیزیله‌دی، بیراق حاضرگی شرایط‌ده کمیسیون سیقیلگن و شفافیت‌نی تأمین قیلیش اوچون ایلگری زمان بندلیک‌نی رعایت قیلمس کیره‌ک.
سیلاولر قانونی‌نینگ 85- ماده‌سی و 2- فقره‌سیده کیلیشیچه، کمیسیون دستلبکی، قسمی و سونگی نتیجه‌لرنی محل، مرکز و سیلاو حوزه‌لری اساسیده اعلان قیله‌دی.
.jpg)
سیلاولر شکایت‌لرینی تینگلش کمیسیون سوزلاوچیسی علی‌رضا روحانی‌نینگ ایتیشیچه، قانون اساسیده، ولایت‌لرده اوتکزیلگن سیلاو نتیجه‌لری توخته‌تیلیب اعلان ایتیلیشی‌نی قسمی، دستلبکی و سونگی نتیجه اعلان ایتیلیشی‌نی قانونی جریان گه شامل قیلیب بولمه‌یدی.
جناب روحانی‌نینگ کوپه‌یتیریشیچه، سیلاولر کمیسیونی تامانیدن دستلبکی نتیجه‌لر توخته‌تیلیب اعلان ایتیلیشی، دستلبکی نتیجه‌لر اعلان ایتیلیشی توغریسیده، سیلاولر شکایت‌لرینی تینگلش کمیسیونی‌نینگ برنامه‌لری اوستیگه سلبی تأثیر قویه‌دی.
سیلاولر ایرکین کمیسیونی، حاضرگه‌قدر 20 ولایت‌‌نینگ دستلبکی نتیجه‌لرینی وقفه‌یی شکلده اعلان قیلدی. سیلاونینگ دستلبکی نتیجه‌لری اعلان ایتیلیشی ولایت‌لرنینگ نامزدلریدن بیرقطاری‌نی عکس‌العمل‌لری و تنقیدلریگه دوچ کیلدی. اوشبو تنقیدلردن سونگ، اوتگن کون سیلاولر شکایت‌لرینی تینگلش کمیسیونی کابل‌ده اوتکزیلگن نماینده‌لر کینگشی سیلاوی‌نینگ نتیجه‌سینی بیکار اعلان قیلدی و بو موضوع دن نیچه ساعت اوتگنیدن سونگ، سیلاولر ایرکین کمیسیونی خبری بیر ییغین یولگه قوییب آوازلر بیکار قیلینگنی توغریسیده سیلاولر شکایت‌لرینی تینگلش کمیسیونی تامانیدن آلینگن قرارنی ناقانونی، شاشیلینچ و سیاسی دیدی.
