.jpg)
ننگرهار مملکت شرقیده بولگن ناتینچ ولایتلردن بیری دیر. داعش گروهی اوشبو ولایت تومنلری چکهسیده جلالآباد شهریده هم کینگ شکلده فعالیت قیلهدی و گاهگاهی دولتی و دولتی بولمهگن نهادلرنی هجوم آستیگه قرار بیرهدی.
داعش تهدید چکهسیده، طالبان گروهی هم اوتکن هفته بیر خبرنامه ترقهتیش بیلن سیلاو کونلریده مملکت بوتون ولایتلریده کینگ شکلده هجوم یولگه قویشیدن خبر بیرگن.
عینحالده، ننگرهار پولیس قومندانی غلامسنایی ستانکزینینگ سلاموطندارگه ایتیشیچه، سیلاو خوفسیزلیگی جدی صورتده تامین ایتیلگن، بیراق قطار تومنلرده آواز بیریش مرکزلردن بیرقطاری امنیتی تهدیدلر بیلن روپهره بولگن.
ننگرهار پولیس قومندانینینگ ایتیشیچه، امنیتی پلان اساسیگه، بوتون امنیتی نهادلر آواز بیریش مرکزلرنینگ خوفسیزلیگینی تامینلش اوچون تیارگرلیک آلگن و سیلاو کونینینگ خوفسیزلیگی پلان اساسیگه تامین ایتیلهدی.
یوقاری امنیتی تهدید بولگن بیرحالده هم 119 ایرکک و 18 عیال ننگرهار ولایتیده اوز لرینی نمایندهلر کینگشی سیلاویده نامزد قیلگن.
ننگرهار ولایتیده سیلاولر ایرکین کمیسیونینینگ معلوماتیگه کوره، سیلاو کونیده 394 آواز بیریش مرکز و 1772 آواز بیریش محل اوشبو ولایت ده فعال دیر.
.jpg)
ننگرهار ولایتیده سیلاولر ایرکین کمیسیونی باشلیغی احمدداوود صدیقزادهنینگ ایتیشیچه، مذکور ولایت حصارک، شیرزاد و باشقه قطار منطقهلریده بیرقطار آواز بیریش مرکز امنیتی تهدید بیلن روپهره دیر.
سیلاولر ایرکین کمیسیونی معلوماتیگه کوره، ننگرهار ولایتیده 818 مینگ کیشی کیملیکلریگه استیکر اوردیرگن و بو جملهدن 266 تهسینی عیاللر تشکیل بیرهدی.
مذکور ولایتده یوقاری امنیتی تهدیدلر بولگن بیرحالده هم نمایدهلر کینگشی سیلاوینینگ نامزدی ناصر مومند، ننگرهار ولایتنینگ یشاوچیلریدن سیلاوگه اشتراک قیلیب سرنوشتلری خصوصیده قرار آلیشلرینی سورهیدی.
عینحالده، ننگرهار ولایتیده قطار عیال نامزدلر انتحاری هجوم و امنیتی تهدیدلر باعث، اوشبو ولایت تومنلریده کمپاین قیله آلمهیدیلر.
مذکور ولایتده نمایندهلر کینگشی سیلاوینینگ نامزدلری تبلیغاتی پوسترلرینی نصب قیلیش، میدیالر آرقهلی اعلان قیلیش و کیچیک ییغینلر آرقهلی کماینلرینی انجام بیرهدیلر.
