سیلاو ایرکین کمیسیونی باشلیغی حوا علم نورستانی نینگ ایتیشیچه، بایومتریک اسکونه‌لری معلومات‌لری‌نینگ انتقال بیریش لایحه‌سینی تیزلنتیریش اوچون درمالوک شرکتی مهندس‌لریدن 2 ته‌سی کابل‌گه کیلگن.
سیلاو ایرکین کمیسیونی اعضاسی حنیف دانشیارنینگ ایتیشیچه، اوتگن 24 ساعت جریانیده 22460 معلومات بایومتریک‌دن کمیسیون عمومی سروریگه انتقال بیریلگن.
عین‌حالده، دولت قوروچی و ییقین‌لیک و برقرارلیک سیلاو تیم‌لری نظارتچی‌لری نینگ ایتیشیچه، بایومتریک معلومات‌لرینی انتقال بیریلیشی خصوصیده بولگن قیین‌چیلیک‌لردن سیلاو ایرکین کمیسیونی نینگ باخبر بولیشی کیره‌ک ایدی.
دولت قوروچی سیلاو تیمی نظارتچی‌سی داوود سلطان‌زوی نینگ ایتیشیچه، سیلاو ایرکین کمیسیونی نینگ بایومتریک اسکونه‌سی و عمومی سرور خصوصیده بولگن قیین‌چیلیک‌نی آلدین‌دن بیلیشی کیره‌ک ایدی.
ییقین‌لیک و برقرارلیک سیلاو تیمی نظاتچی‌سی هارون معترف نینگ ایتیشیچه، درمالوک شرکتی مهندس‌لری کیلگن، بیراق انترنیت سرعتی‌گه اوزگرشیلیک کیلمه‌گن.
جناب معترف‌گه کوره، سیلاو ایرکین کمیسیونی و درمالوک شرکتی مهندس‌لرینی بوتوغریده بولگن قیینچیلیکلرنی نظارتچی‌لر و یشاوچی‌لر بیلن شریک قیلیشی کیره‌ک.
سیلاو تیمی‌لری نینگ نظارتچی‌لری و سیلاو ایرکین کمیسیونی اعضالریدن بیرقطاری نینگ ایتیشیچه، انترنیت برابریده بولگن قیین‌چیلیک حل ایتیلمه‌گن صورتده، جمهورلیک ریاستی سیلاوی نینگ بیرینچی نتیجه‌سی تعیین ایتیلگن زمانده اعلان ایتیلمه‌یدی.
