.jpg)
کابل‌ده خبری بیر ییغین اوتکزگن افغانستان شفافیتی‌نی کوزه‌تووچی اداره (تیفا) نینگ ایتیشیچه، نماینده‌لر کینگشی‌نینگ سیلاویده سیلاولر ایرکین کمیسیونی‌نینگ رهبرلیگی و ییریک ایشلاوچی‌لری بوییچه اخلاقی فساد تکرارسیز بولگن.
مذکور اداره باشلیغی نعیم ایوبزاده‌نینگ ایتیشیچه، سونگی نیچه ییل‌ده اوتکزیلگن برچه سیلاولرگه نسبتن سونگی دورده اخلاقی فساد تکرارسیز بولگن، بیراق او، بو توغریده کیم‌سه دن آت توتمه‌یدی.
ایوبزاده گه کوره، نماینده‌لر کینگشی سیلاوی‌نینگ نامزدلرینی بیرقطاریدن غیرمشروع طلب‌لر بولگن و شونینگدیک، کمیسیون ایشلاوچی‌لریدن بیرقطاری، جنسی زوروانلیک‌که دوچ کیلگن. اونینگ ایتیشیچه، اوتگن سیلاوده عیال نامزدلردن بیرقطاری‌نینگ آوازی شبه‌لی شکلده کوپه‌یگن.
نماینده‌لر کینگشی سیلاوی‌نینگ آوازلری قیته سنه‌لیشی توغریسیده تیفا اداره‌سی باشلیغی‌نینگ ایتیشیچه، اولرنینگ قولگه کیریتگن معلومات‌لری اساسیده، آوازلر قیته سنه‌لیشی‌ده کینگ تقلب و فساد یوز بیرگن و شونینگدیک، نامزدلرنینگ سیلاو نتیجه‌لرینی ورقلری سیلاو کونی گه نسبتن فرقلی دیر.
جناب ایوبزاده نینگ ایتیشیچه، اولرنینگ قولگه کیریتگن معلومات‌لری اساسیده، سیلاولر کمیسیونی‌نینگ عملیاتی تیمی، کمیسیون‌نینگ دبیرخانه باشلیغی احمدشاه زمانزی و همکارلری خبیر سعیدی، ناصر مومند، حیدر مومند، زمری قلمیار و ابراهیم سادات سیلاو جریانیده فسادگه زمینه یره‌تگن‌لر. تیفا اداره‌سی، مذکور کیشی‌لر افغانستان عدلی و قضایی اداره‌لری تامانیدن تیرگاوگه آلینیشی‌نی سوره‌یدی.
.jpg)
افغانستان بوییچه شفاف سیلاولر قوریلمه‌سی‌نینگ قولگه کیریتگن معلومات‌لری اساسیده، دستلبکی رویخط‌ده کیریتیلیشی اوچون کمیسیون مسؤوللری و ایشلاوچی‌لری تامانیدن بیر مینگ‌دن اوچ یوزمینگ دالرگچه پول طلب قیلینگن.
شونینگدیک، اوشبو اداره‌نینگ ایتیشیچه، سیلاولر شکایت‌لرینی تینگلش کمیسیونی‌نینگ نظارتچی‌لری هم بیر آواز کوپه‌یتیریش بدلی‌ده نامزدلردن 80-100 دالر پول سوره‌گن.
بو توغریده سیلاولر ایرکین کمیسیونی‌نینگ توشونچه‌سینی بیلیش اوچون علاقه قوردیک، بیراق مؤفق بولمه‌دیک.
افغانستان شفافیتی‌نی کوزه‌تووچی اداره، مدیریت‌سیزلیک و قانون نقض ایتیلگنی توغریسیده بیر اعلامیه ترقه‌تیب سیلاولر ایرکین کمیسیونی‌نینگ اعضالری چیکلنتیریلیشی‌نی طلب قیلگن.
