.jpg)
افغانستان بوییچه ایرکین و عدالت‌لی سیلاولر بنیادی (فیفا) مسؤوللری‌نینگ ایتیشیچه، نماینده‌لر کینگشی‌نینگ سیلاویده سیلاولر ایرکین کمیسیونی و سیلاولر شکایت‌لرینی تینگلش کمیسیونی آره‌سیده یوز بیرگن قره‌مه قرشی‌لیک‌لر سیاسی اره‌لشوولر و ساخته‌کارلیک‌لر اوچون زمینه یره‌تگن.
بوگون "یکشنبه" فیفا بنیادی‌نی باشلیغی یوسف رشید نینگ کابلده بیر خبری ییغین آرقه‌لی ایتیشیچه، مذکور ایکی کمیسیون آره‌سیده بولگن قره‌مه قرشی‌لیک‌لر سیاسی اره‌لشوولر و ساخته‌کارلیک اوچون زمینه یره‌تگن.
جناب رشید گه کوره، آواز بیرووچی‌لرنی رویخط گه آلینیش لایحه باشلنگن‌دن بویان ایکی کمیسیون آره‌سیده بولگن قره‌مه قرشی‌لیک‌لر، سیلاو تینیق‌لیگی‌نی سوراق آستیگه قرار بیرگن.
.jpg)
فیفا باشلیغی‌نینگ ایتیشیچه، ایکی کمیسیون‌نینگ قرارلری فرق‌لی دیر و کابل ولایتی‌نینگ آوازلرینی باطل اعلان قیلیش قراری هماهنگ‌لیک بولمه‌گن بیر حالده، سیلاولر شکایت‌لرینی تینگلش کمیسیونی تامانیدن آلینگن.
عین‌حالده، سیلاولر ایرکین کمیسیونی سیلاوچیسی‌نینگ اورین باسری کبرا رضایی‌نینگ ایتیشیچه، سیلاولر کمیسیون‌لری آره‌سیده بولگن قره‌مه قرشی‌لیک‌لر اهالی و حکومت منفعتی گه بولمی و مذکور قره‌مه قرشیلیکلرنی حل قیلیش اوچون سیلاولر ایرکین کمیسیونی سعی و حرکت قیله‌دی.
بو توغریده سیلاولر شکایت‌لرینی تینگلش کمیسیونی فکری‌نی آلیش اوچون سعی و حرکت قیلدیک بیراق موفق بولمه‌دیک.
