سلام‌وطندارگه صحبت بیرگن فراه ولایت کینگشی باشلیغی فرید بختورنینگ ایتیشیچه، 28- میزان ده یولگه قوییلگن سیلاودن اوتگن ایکی کونده طالب‌لر بالابلوک تومنی یشاوچیلریدن 70 ته‌سینی گروگه آلگن و بو جمله‌دن 2 ته‌سینی اولدیریب و باشقه 2 ته‌سی‌نینگ برماغی‌نی کیسگن.
اونگه کوره، حاضرگچه اوغیرلنگن‌لردن 50 ته‌سی قوییب یوباریلگن و باشقه کمیده 20 ته‌سی حاضرگچه طالب‌لرنینگ قولیده دیر.
عین حالده، هلمند ولایتیدن کیلگن گزارش گه کوره، طالب‌لر بیر کیشی‌نینگ سیلاوده اشتراک قیلگنی باعث، برماغی‌نی کیسگن.
اوشبو واقعه‌نی تصدیق‌لگن هلمند حاکمی سوزلاوچیسی عمر زواک نینگ ایتیشیچه، قوراللی طالب‌لر گرشک تومنی اهالیسی بولگن مذکور کیشی‌نینگ برماغی‌نی هلمند-قندهار قتناو یولیده کیسگن.
