پُل‌سوخته آتی‌گه تانیلگن کوپریک‌دن اوته‌یاتگن چاغیم‌ده بیر کیشی چانتم‌نی تارتدی. تنه‌سی اینجه، یوزی قاره و دودگه بویانگن بیری ایدی. کورینیشچه بنگی جانتم‌دن توتیب اونگیده بولگن نرسه‌لرگه اشاره قیلدی. موزله‌گن و یاریلگن قوللرینی ایزله‌دیم و کوزیم ایسه، نیچه یوزوک، بشقاب، گیلاس و اوچ جفت آیاق قابی گه توشدی. اونینگ ایتیشیچه، یوزوک اصیل فیروزه‌یی و قیمتی هم یوز افغانی ایکن. یوزوک‌نی اوزیم اوچون یا-ده بیر کیشی‌گه ساوغه قیلیش اوچون ساتیب آلیشیم‌نی طلب قیلدی.
شونینگ‌دیک، کوزیم شیک و بُراق آیاق قابی‌لریگه توشدی. مذکور کیشی‌دن آیاق قابی‌لری‌نینگ قیمتی‌نی سوره‌دیم، بیراق او می‌نینگ سوراغیم گه جواب بیریش اورنیده آیاق قاب‌لری ایرکک‌لردن و آلماقچی بولسنگ یوزوک‌نی آل دیدی. آیاق قاب‌لری بهاسینی اورگه‌نیش اوچون سورغوله‌دیم. بیراق آیاق قاب‌لری بهاسینی 70 افغانی دیدی، بیراق بونده‌ی یخشی آیاق قاب‌لری بهاسی بونچه‌لیک قویی بولگنی می‌نینگ اوچون قیزیق ایدی!
اوشبو موضوع نی آچیقلش اوچون کراچی اوستیده لیلام شکلده آیاق قابی ساته‌دیگن‌لر بیلن کوریشیش گه قرار قیلدیم. شهرنی تورت یولی گه باردیم، او ییرده ایرکک‌لر وعیال‌لرگه عاید ینگی، ایسکی، بهالی و اوجوز یوزلرچه جفت آیاق قابی قوییلگن ایدی. شونی بیلدیم که مذکور آیاق قاب‌لری دوکانلرده بولگن حالده، 300 دن 500 افغانی گچه ساتیلیشی ممکن، بیراق بو ییرده 100- 200 افغانی و نهایت‌ده 50 افغانی ساتیله‌دی..
اوزی مشتری بولگن بیر آق‌سقال دن آیاق‌قابی‌لر قیردن کیلیشی نی سوره‌دیم، قیردن کیلیشی نی بیلمسلیگی نی بیلدردی بیراق قیردن کیلیشی اونملی ایمس. اونلی بولگن قشاق انسان لر اوچون بهاسی ایتیک و مناسب بولگنی دیب ایتی.
اوشبو آیاق‌قابی‌لر ساتوچی‌‌سی نینگ فکری نی آلیش نی ایسته‌دیم، بیراق او سیسی ثبت بولیشی نی ایسته‌مه‌دی، چونکه بو آیاق‌قابی‌لر کپراغی اوغرلنگن و سیس چیقارگن حالده ضرر کوریشی ممکن.
بو آق‌سقال بیلن سوزلشودی باشله‌دیم، ایشی دن کوپنچه داستانی بار ایدی. اوغرلنگن مال بیلن تیریکچلیک ایتیشی خصوصیده راحت‌سیز ایدی. بیراق اوزنینگ ایتیشیچه باشقه چاره سی یوق. او ایسکی‌دن دکانی بولگنی نی بیلدردی و دکان کرایه سی نی تکمیل قیله‌آلمگنی باعث اوشبو ایش گه قول اورگن. اونینگ ایتیشیچه هر کون کورنیشی بنگی دیر اونلرچه جفت آیاق‌قابی نی ساتیش اوچون کیلتره‌دی.
آق‌سقال مینگه یاردم بیریش نیتیده، لیلامی ساته‌دیگن دکاندارلر بیلن صحبت قیلیشیم نی ایتی. کوته‌سنگی ده گی لیلامی ساته‌دیگن لر مارکیتی گه باردیم.
کوته‌سنگی ده ساتوچی بولگن ولی الله جان نینگ ایتیشیچه، هر کون نیچه جفت آیاق‌قابی نی دکانی گه کیلتره‌دی‌لر، بیراق ساتوچی‌لر او آیاق‌قابی‌لرنی آلمیدی. بیراق کراچی اوستیده ساته‌دیگن‌لر اوشبو آیاق‌قابی‌لرنی آله‌دی.
حسین احمدی باشقه بیر ساتوچی، ولی الله نینگ سوزلری نی تایید ایتیب ایتیشیچه، اسلامی شریعت گه قرگنده اوغرلنگن مال دن استفاده قیلیش حرام و اهالی نینگ اوشبو موضوع نی درک قیلیشی لازم. حسین نینگ کپیتریشیچه، بنگی لر حتا ساتوچی لر دکان لری دن هم آیاق‌قابی اوغرله‌یدی.
ایسکی دن شرق اینقسه اسلام جماعه سیده مقدس مکان‌لرگه کیریش پیت‌ده اوشبو مکان ده حرمت ایتیش مقصد ده آیاق‌قابی نینگ چیقاریش فرهنگی بار. بیراق گاه گاهی آیاق‌قابی نی چیقاریش اونینگ ایگه‌سی گه قینچلیگ ییرته دی.
بیراق عمومی مکان‌لرگه اوشبو قضیه اونچه هم آسان ایمس، اینقسه شیک آیاق‌قابی آیاقی میزگه بولسه، کوپینچه کیشی لر اوشبو موضوع گه باشقه فکر بیلن قه‌ریدی. اولکه کوپ قطار یشاوچی لری حیات‌لری ده هیچ بولمسه بیرمرته آیاق‌قابی سی نینگ اوغرلنگنی نی تجربه قیلگن.
کابل یشاوچی لری دن بولیمش محمد نینگ ایتیشیچه، ایکی مرته آیاق‌قابی سی اوغرلنگن. بیر مرته اورگتیش مرکزی ده و باشقه بیر مرته کارته سخی زیارتی ده. اوشبو واقعه گه محمد یالغیز ایمس بلکیم اونینگ دوستی هم ایاق‌قابی سی نی قول دن بیرگن.
محمدنینگ اهالینی مخاطب قرار بیریب ایتیشیچه، آیاق‌قابی لری گیز نی تاپیش نی ایسته‌سه گیز لر، پل‌سوخته و شهر تورت یولیده گی آیاق‌قابی ساتوچی لری گه مراجعه قیلنیگ لر.
صدیقه نینگ آیاق‌قابی سی اوی دن اوغرلنگن. اونینگ ایتیشیچه قیش ایدی و آیاق‌قابی‌م نی قوریش نیت‌ده قویاش گه قویدیم. بیراق نیچه دقیقه دن سونگ آیاق‌قابی‌م نی آلیش اوچون بارسم هیچ نیرسه نی کورمه‌دیم.
آیاق‌قابی اوغرلنیش حاضرده اونچه هم شایعه تاپکن که کوپنچه شخص لر لازم بولگن پیت‌ده آیاق‌قابی لری دن حفاظت ایتیش مقصد ده اوزلری بیلن پلاستیک آلیب یوریدی.
اولکه ده کته اوغرلیگ و فساد اینقسه حکومتی نهادلر گه فساد بولگنی باعث اهالی و حکومت رسمی‌لری کیچکینه اوغرلیگ لر یاده آیاق‌قابی لر نینگ اوغرلنیشی خصوصیده اونچه هم توجه ایتمی‌دی و بونگه آخشش اوغرلیگ لر نینگ بازاری قیزیق دیر.
