.jpg)
بوگون «شنبه» کابلده خبری بیر ییغینده سیاسی حزبلردن بیرقطارینی مسؤوللرینینگ ایتیشیچه، نمایندهلر کینگشی سیلاوی بایومتریک بولیب و مملکت بویلب یولگه قوییلیشی کیرهک و بوندهی بولمهگنده سیاسی حزبلر قبول قیلمهیدیلر.
سیاسی حزبلر اعلامیهسیگه کوره، انترنت بولگن منطقهلرده بایومتریک سیستمهسیدن آنلاین شکلده قولهنیش کیرهک و آنلاین شکلده قولهنیلمهگن صورتده ساختهکارلیک یوز بیریشی ممکن.
سیاسی حزبلرنینگ ایتیشیچه، مدنی نهادلر و حزبلرنینگ بایومتیریک سیستمهسیدن نظارت قیلیشی کیرهک.
.jpg)
جمعیت حزبینینگ اعضاسی نور رحمان اخلاقینینگ ایتیشیچه، آواز بیرووچیلرنی رویخطکه آلیش لایحهسیگه ساختهکارلیک یوز بیرگنی باعث کوپ قطار یشاوچیلر اوشبو لایحهگه اشتراک قیلمهگن، بوتون یشاوچیلرگه سیلاولرده اشتراک قیلیش زمینهسینینگ یرهتیلیشی لازم.
گلبدین حکمتیار رهبرلیگیده بولگن اسلامی حزب اعضاسی همایون جریرنینگ ایتیشیچه، سیلاو سیستمهسیده اوزگرشلیک کیلگن صورتده آواز لرنینگ هدرگه کیتیشیگه توسیق ایتیلهدی. جناب جریر گه کوره، بایومتریک سیستمهسیدن واقعی صورتده قولهنیش کیرهک.
سیاسی حزبلرگه کوره، صورت آلیشنی ایستمهگن یشاوچیلرنینگ 10 پارماغینی بایومتریک ایتیلیشی کیرهک.
سیاسی حزبلرنینگ شرطنامه سیگه کوره، سیلاولر ایرکین کمیسیونی و حکومتنینگ بایومتریک اسکونهلری قرار دادینی یشاوچیلر بیلن شریک قیلیشی لازم.
