کابل‌ده ییغین اوتکزگن سیاسی حزبلر اویی اعضالری و مدنی تشکیلاتلر، سیلاولر کمیسیونلری نینگ ینگی تنلگن اعضالری اوشبو کمیسیون نینگ سابق اعضالریدن کوره یامانراق بولیشی ممکن دیگنلر.
سیاسی حزبلر اویی نینگ اعضاسی نصرالله فلک، حکومت تامانیدن سیلاولر کمیسیونلری کمیشنرلری طرف‌سیز دییلیشی یالغاندن بولک نرسه ایمس دیدی. اونینگ ایتیشیچه، طرف سیز کیشیلر مسوولیت‌سیز شخصلر دیر اوز ایشلری توغریسیده جواب بیره آلمس‌لیکلری ممکن.
اما، سیلاولرنی نظارت قیله دیگن اداره‌لر سیلاولر کمیسیونلری اوچون ینگی تعین بولگنلرنی خوش قرشیله‌گن.
خط نو تشکیلاتی نینگ مسوولی فهیم صدیقی، سیلاولر کمیسیونلری نینگ ینگی اعضالری اوتگن تجربه‌لردن فایده له‌نیب ایشلری مستقل ایکن لیگینی اثبات ایتیشلری لازم دیگن.
افغانستان جمهور رییسی محمد اشرف‌غنی سیاسی شخصیتلر و مدنی تشکیلاتلر اعضالری بیلن هفته‌لب بحث آلیب بارگندن کیین جاری هفته سیلاولر کمیسیونی نینگ ینگی اعضلرینی تانیشتیردی.
