معارف وزیرلیگی‌نینگ 1392 – ییل ده‌گی سواد توغری سیده اوتکزگن تیکشیروی‌ده 15 یاشدن یوقاریده بولگن سوادلی 34 فایز ایکن و مذکور رقم بیرییل‌ده 2 فایز یوقاری کیتگن لیگی‌نی کورسته‌دی.
معارف وزیرلیگی‌نینگ سواد اورگه‌نیش معینی محمدعظیم کربلایی‌نینگ « سواد جامعه‌ده دایمی تینچ‌لیک» عنوانلی سواد ملی کونی‌نی کوتیب آلیش مناسبتی‌ده سوزگه چیقیش قیلیب ایتیشیچه، افغانستان‌ده عیال‌لرنینگ یاشی 15 دن یوقاری‌سی 20 فایز سوادلی ایکن‌لیگی‌نی کورستگن و قالگن 80 فایزی ایسه سواد سیز قالگن.
شونینگ‌دیک جمهور رییس ایکینچی اورین باسری سروردانش نینگ مذکور اولتیریشده سوزگه چیقیش قیلیب ایتیشیچه، افغانستان‌نی نادارلیک قیینچی‌لیگی یانیده، سواد سیزلیک قیینچی‌لیگی هم موجود و برچه بحران‌لر ریشه سی خلق سواد سیزلیگی‌گه باره‌دی.
جناب دانش نینگ ایتیشیچه، افغانستان اورگه‌تیش سیستمی ایسکرگن و مذکور سیستم اوزگرمه گن حالده، اولکه ده سواد سیزلیک قیینچی‌لیگی حل ایتیلمی قاله‌دی.
جناب دانش‌گه کوره،«اولکه بویلب دولت سواد اورگه‌تیش بولیمی‌ده اویغورلیک یوق‌لیگی و توجه قیلمه گن‌لیگی‌نی باید قبول قیلسک».
جمهور رییس ایکینچی اورین باسری، اورگه‌نیش ینگی شیوه‌لرینی تاپیش، یخشی تیکشیریش و اونگه اعتبار بیریش، معارف وزیرلیگی اینیقسه سواد اورگه‌تیش معینیتی تامانیدن سواد سیزلیک‌گه قرشی کوره شیش‌لردیب عنوان قیلدی.
ینه بیرتاماندن اولکه بیرینچی عیالی رولاغنی هم عیال‌لرنی اورگه‌نیش‌گه تاکید قیلدی و اولکه یشاوچی‌لرینی اورگه نیشگه تشویق قیلیش مسؤولیتی دولتگه قره‌تیله‌دی باید بو ایش دولت تامانیدن بولسه دیدی.
شونینگ‌دیک معارف وزیرلیگی‌نینگ اورگه‌تیش معینی میلادی 2020 – ییل‌گه قدر سواد سیزلیک 60 فایزگه ایتیشی کوزه تیلگن‌لیگی‌نی اورغولیدی.
برچه گه همسان اورگه‌تیش کیلیشیگی میلادی2000- ییلده بیرلشگن ملت‌لر تشکیلاتی بیلن توافق ایتیلگن ایدی.
او، میلادی2020- ییل‌گه قدر سوادلی عیال‌لر 20 فایزدن 50 فایزگه ایته‌دی و ایرکک‌لر ایسه 50 فایزدن 70 فایزگه ایتیشیگه تاکید قیله‌دی.
افغانستان‌نی اوتمیش بیردهه ده‌گی یوتوقلریدن بیری اورگه‌تیش و معارف بولیمی ایکن، اما ایش بیلرمانلرگه کوره، مذکور یوتوقلر فقط کمی سطحی‌نی اوزیگه آلگن و کیفی لحاظدن افغانستان‌ده اونچه‌لیک ایش بولمه‌گن.
