بوگون «یکشنبه» افغانستان معارف وزیرلیگی و مدنی جماعه‌چیلیک اداره‌سی، سواد بولیمی نامی‌ده رسمی شکلده سواد اورگه‌نیش ملی برنامه‌نی باشله‌دی.
کابل‌ده اوتکزیلگن ییغینده نطق سوزله‌گن «مدنی جماعه‌چیلیک جمغرمه» اداره‌سی‌نینگ برنامه‌لرینی مدیری ایوب شهریارنینگ ایتیشیچه، اوشبو برنامه مملکت‌نینگ ایریم ولایت‌لریده عمل گه آشیریلگن.
شهریارگه کوره، بو اداره مملکت بویلب سواد اورگه‌نیش ملی برنامه‌نی عمل‌گه آشیریش خصوصیده سعی و حرکت قیله‌دی.
اونینگ ایتیشیچه، سواد اورگه‌نیش برنامه‌سی یالغیز باشکینت‌ده 167 تعلیمات مرکزی آرقه‌لی تطبیق ایتیله‌دی.
اوشبو ییغینده معارف وزیرلیگی‌نینگ سواد اورگه‌نیش ایشلری بوییچه اورین باسری سردارمحمد رحیمی‌نینگ ایتیشیچه، ناتینچلیک و ناتوغری رسم‌و رواجلر باعث، مملکت یشاوچیلری سواد دن اوزاق قالگن.
رحیمی‌نینگ کوپه‌یتیریشیچه، مملکت ده سوادسیزلیک رقمی نی کمه‌یتیریش اوچون ادره‌لر آره‌سیده اویغونلیک و قوشمه فعالیت قیلیش کیره‌ک.
رحیمی گه کوره، ملی بسیج ریجه‌سی تیار بولگن و اونینگ عمل گه آشیریشی اوچون مدنی جمغرمه‌لر معارف وزیرلیگی بیلن همکار بولیشی کیره‌ک.
مرکزی حسابات اداره‌سی تامانیدن سابق ترقه‌تیلگن رقم اساسیده، مملکت یشاوچیلریدن یاشلری 15 دن یوقاری بولگن 38-40% سوادلی بولگن و باشقه 60-62% سواد دن محروم قالگن.
