سنا مجلسی‌نینگ بیر قنچه اعضالری، سیلاولر مستقل کمیسیونی‌نینگ ایش و صلاحیت تیزیمی‌گه اصلاحات کیرتیش اوچون جمهور رییس غنی‌نینگ تقنینی فرمانی بو مجلس تامانیدن تصدیق‌له‌نیشی، سیلاولر کمیسیونی اجراییه رییسی و جمهور رییس اورته‌سیده بولیش باعث بوله‌دی دیگنلر.
سیلاولر کمیسیونلریگه اصلاحات کیریتیش اوچون جمهور رییس غنی‌نینگ صادر قیلگن تقنینی فرمانی نماینده‌لر مجلسی تامانیدن رد ایتیلگن دی. ایتیلیشیچه، بو فرمان ایجابی رای آلیش اوچون سنا مجلسی‌گه یوباریلیشی کوتیله‌دی.
بوگون سنا مجلسی‌نینگ عمومی ییغینی‌ده افغانستانلیک بیر قطار ستانورلر اوشبو فرمانی مذکور مجلس تامانیدن تصدیق له‌نیشی توغریسی‌ده خواطر بیلدیریب ایتیشلریچه، ملی بیرلیک حکومتی‌نینگ رهبرلری سیلاولر کمیسیونلرینی اوز ارا تقسیم‌لش‌گه سعی حرکت قیله دیلر.
سنامجلس اعضاسی محمدحنیف حنیفی، اوشبو فرمان‌نینگ بیر ماده‌سیده سیلاولر کمیسیونلری‌نینگ ولایتی باشلیغ‌لری عبدالله عبدالله تامانیدن تعین ایتلیشی قید ایتیلگن.
او، بو ایش سیلاولر تیزیمیزگه اصلاحات کیریتیش ایمس، بلکه کیشیلر شخصی منفعت‌لرگه ایریشی‌گه سبب بوله‌دی دیگن.
شونینگ‌دیک سنا مجلسی‌نینگ باشقه بیر اعضاسی شیرمحمد آخوندزاده، ملی بیرلیک حکومت رهبرلری کیلگوسی پارلمان‌نی هم اوز اورته‌لریده 50 -50 تقسیم قلیش نیت‌ده لر دیگن. او، بو ایش مملکت خلقی‌گه ییریک جفا دیگن.
بیراق، سنا مجلسی‌نینگ اورین باسری محمدعلم ایزدیارگه کوره، جمهور رییس‌غنی‌نینگ فرمانی‌گه اوزگریش کیریتیلگن‌دن سونگ، مجلس تامانیدن تصدیق له‌نیشی یخشی بیر ایش دیگن.
جمهور رییس‌نینگ تقنینی فرمانی باره‌سیده معین موضع‌گیرلیگی بولمه‌گن سنا مجلس باشلیغی فضل هادی مسلمیار، اوشبو فرمان رای گیرلیککه قویله دیگن کون نصاب تکمیل بولیشی اوستی‌ده تاکید قیلگن.
سیلاولر تیزیمی‌گه اصلاحات کیریتیش کمیسیون اوچون جمهور رییس‌نینگ صادر قیلگن تقنینی فرمانی اوتگن هفته ایکینچی مرته پارلمان اعضالری طرفیدن رد ایتیلگن ایدی. جمهور رییس غنی، مجلس‌نینگ بو تدبیری سیلاولر کمیسیونلریگه اصلاحات کیرتیش‌نی قیین چیلیککه دوچار قیله‌دی دیگن ایدی. اما، غنی کمیسیونگه اصلاحات کیریتیش اوچون برچه امکانیت‌دن فایده له‌نیش‌نی ایتگن.
عین حالده، بیر قطار حقوقچی‌لرگه کوره، نماینده‌لر مجلسی و ملی بیرلیک حکومتی ایکّی‌سی هم نا قانونی دیگنلر.
