.jpg)
افغانستان‌لیک سناتورلرنینگ بیر قطاری حکومت‌دن سرپرست‌لیک‌لرگه پایان بیریش‌نی سوره‌ب، ملی امنیت همده ملی مدافعه وزیرلیگی نامزدی ملی مجلس‌دن ایشانچ رای آلیش اوچون پارلمان‌گه تَنیشتیریلیش‌نی طلب قیلگن‌لر.
افغانستان جمهور رییسی محمد اشرف غنی‌نینگ ییتمیشینچی فرمانی اوتگن کون (دوشنبه) ملی مجلس اعضالری‌نینگ کوپچی‌لیک آوازی بیلن رد ایتیلدی. جمهور رییس سونگی فرمانی‌ده مملکت‌نینگ امنیتی اداره‌لری سرپرست‌لر آرقه‌لی اداره ایتلیشی اوچون فرمان چیقارگن ایدی. جمهور رییس بو فرمان‌نی صادر قیلیش بیلن ملی مجلس‌دن امنیتی و مدافعه‌وی اداره‌لر مثتسنا بولیشی‌نی ایتگن ایدی.
سنا مجلسی‌نینگ بیرینچی اورین باسری محمد عالم ایزدیار بوگون (سه‌شنبه) مجلس‌نینگ عمومی ییغینی‌ده ایتیشیچه، ملی بیرلیک حکومتی‌نینگ رهبرلری ملی خوف‌سیزلیک باشقرمه‌سی همده ملی مدافعه وزیرلیگی نامزدلرینی ایشانچ رای آلیش اوچون پارلمان‌گه تنیشتیریش‌نی طلب قیلگن.
.jpg)
ایریم سناتورلر مملکت‌ده نابرقرالیک دوام ایتیشی‌نینگ ییریک سبب‌لریدن بیری حکومت‌نینگ مهم امنیتی و مدافعه‌وی اداره‌لری سرپرست‌لر آرقه‌لی اداره ایتلیشی‌گه باغلیق دیگن‌لر. سناتولردن بیری محمد آصف‌نینگ سوزلریگه قره‌گنده، مملکت‌ده‌گی هر قنده‌ی حادثه‌نینگ بیرینچی عاملی ملی امنیت و ملی مدافعه وزیرلیک‌لری سرپرست‌لری دیر.
وکیلی، ملی بیرلیک حکومتی‌نینگ تشکیل ایتیلگنی‌دن بیر یریم ییل اوتماقده، لیکن هنوز هم مدافعه وزیرلیگی‌نینگ وزیری تعین ایتیلمه‌گن دیگن.
شونینگ‌دیک افغانستان‌لیک سناتورلر مملکت‌نینگ بوندن نیچه وقت آلدین قندوز شهری سقوط قیلیشی و هلمند ولایتی‌ده اوروش دوام ایتیشی اوچون سرپرست‌لرنینگ مدیریتی ضعیف‌لیگی‌دن کیلیب چیقه‌دی دیگن‌لر.
نیچه آیدن بیری افغانستان حکومتی‌نینگ امنیتی اداره‌لری سرپرست‌لر تامانیدن باشقریله‌دی و سرپرست‌لر ایشلریگه پایان بیریلیشی نیچه مرته ملی کینگش اعضالری تامانیدن تیل‌گه آلینگن. اما، افغانستان جمهور رییس‌لیک سرایی مساله اوچون بی‌فرق یانده‌شیب کیلماقده.
