سلام‌وطندارگه صحبت بیرگن سمنگان پولیس قومندانلیگی سوزلاوچیسی منیر رحیمی نینگ ایتیشیچه، اوشبو حیات‌الله آتلی کیشی مذکور ولایت نینگ اصلی یشاوچیسی بولگن.
بو کیشی سمنگان مرکزی آیبیک شهری نینگ بیرینچی خوفسیزلیک حوزه‌سیدن قولگه آلینگن.
جناب رحیمی، مذکور باله نینگ عایله‌سیدن نقل قیلیب ایتیشیچه، بو کیشی کمیده بیر آی آلدین، آیبیک شهری نینگ «گل‌قیشلاق» منطقه‌سیده اوشبو 5 یاشر قیز باله‌نی جنسی زورلگن.
بیراق، قولگه آلینگن کیشی نینگ ایتیشیچه، قیزنی جنسی زورلمه‌گن و بو باله نینگ عایله‌سی اونگه تهمت باغله‌گن.
سمنگانده آتی فاش ایتیلیشی‌نی ایستمه‌گن امنیتی بیر منبع نینگ سلام‌وطندارگه ایتیشیچه، بیر آی آلدین بو قیزنینگ آنه‌سی سمنگان پولیس قومندانلیگی نینگ بیرینچی خوفسیزلیک حوزه‌سیگه مراجعت قیلگن، بیراق حیات‌الله دن 300 مینگ‌دن کوپراق پول آلگنیدن سونگ، ایسته‌گینی قیتریب آلگن.
بیراق، سمنگان پولیس قومندانلیگی نینگ سوزلاوچیسی بو بیانات‌لرنی رد قیلیب ایتیشیچه، اوشبو ولایت نینگ پولیس قومندانلیگی‌نی بیرینچی خوفسیزلیک حوزه‌سی نینگ جنایی مدیری، بو واقعه گه نسبتن دقت‌سیزلیک قیلگنی باعث، ایش‌دن آلینگن.
شو توغریده…
تخار ولایتی بوییچه طالبان تامانیدن نام‌لنگن معارف باشلیغی 21 طلبه‌نی جنسی زورلگن
