د سمنګان ولایتي شورا مرستیال محمدهاشم سروري سلاموطندار ته وايي، ناپېژاندو وسلهوالو تېره شپه د مليجنبش ګوند ولایتي دفتر مشر عبدالواسع سمنګاني په ګډون ۵ نور کسان په ډزو وژلي دي.
ښاغلي سروري وویل، پېښه د ایبک ښار «تندورک» سیمه کې هغه مهال رامنځته شوې، چې ښاغلی سمنګاني یو شمېر ټوپکوالو سره د حیواناتو اخېستلو لهپاره دې سیمې ته تللی وو او وسلهوالو پرې برید وکړ.
پر همدې مهال د سمنګان امنیه قومندان محمد جان دریاب هم د مليجنبش ګوند د ولایتي دفتر پر مشر عبدالواسع سمنګاني د وسلهوالو برید تاییدوي او وايي، د موضوع څېړلو لهپاره سیمې ته امنیتي ځواکونه رسېدلي دي.
تراوسه کومې ډلې د پېښې مسوولیت په اړه څه نهدي ویلي.
