سرپل ولایتی کینگش اعضاسی‌نینگ بیلدیریشیچه، مرکزی حکومت تیزلیک‌ده طالب‌لر بوزغونچ‌لیک فعالیت‌لری آلدینی آلمه‌گن صورتده، کیله‌جک نیچه کون ایچیده ولایت سقوط قیلیشی ممکن.
اولر، بیر اعلامیه ترقه‌تیشی بیلن مذکور ولایت کوهستانات و سوزمه قلعه تومنلری طالب‌لر قمراویگه قالگن و بوتومنلر90 فایزمنطقه‌سی طالب‌لرقولیگه توشگن‌لیگی‌نی بیلدیره‌دی.
سرپل ولایتی کینگش باشلیغی محمدنور رحمانی‌نینگ سلام‌وطندارگه اوزخواطرینی بیلدیریب ایتیشیچه، سرپل مرکزی بیلن تومنلری‌نینگ اوتیش قیتیش یوللری یاپیلگن و کوهستانات و سوزمه قلعه تومنلری‌نینگ سقوط قیلیشی بیلن سرپل هم سقوط قیله‌دی.
اونگه کوره، مذکور تومنلرده یاردمچی کوچلر یوباریلمه‌گن صورتده، کیله‌سی بیر- ایکی کون مابینی‌ده مذکور تومنلر سقوط قیلیشی ممکن.
اما سرپل پولیس باشلیغی محمدآصف جبارخیل، کوهستانات و سوزمه قلعه تومنلریگه طالب‌لرنینگ گروهی هجومی‌نی تأیید قیلیب ایتیشیچه، امنیتی کوچلرنینگ مذکور گروه‌گه قرشی کوره‌شیش اوچون کوچلری ایته‌دی و کیله‌سی یقین پیتده مذکور تومنلرده یوکسک پاکلش عملیات یولگه قویلیشی‌نی تیل‌گه آلدی.
جناب جبارقیل‌نینگ ایتیشیچه، سیاسی حزبلر قرمه قرشیلیگی باعث ولایت کوپراق ناتینچ بولگن و مذکور قیینچی‌لیکلر کوتریلیشی بیلن، ولایت امنیتی قیته‌دن تأمین بولیشی ممکن.
سرپل پولیس باشلیغی‌نینگ کوپه‌یتیریشیچه، «قولده کیلگن اطلاعاتده کوره، مذکور هجومده تشقی طالب‌لربیلن داعش بیرقول بولمه‌گن، بلکیم سانی اونچه‌لیک بولمه‌گن منطقه طالب‌لری دیر و بولر اوزلرینی منطقه‌ده کوچلنتیریش اوچون هجوم قیله‌دیلر».
شونینگ‌دیک مدافعه وزیرلیک سوزلاوچیسی اورین باسری دولت وزیری‌نینگ سلام‌وطندارگه ایتیشیچه، ایچکی ایشلر قوشیمچه بیر دولتی هیأت بیلن فاریاب و سرپل ولایت‌لریگه بارگن‌لر تا امنیتی وضعیتنی یقیندن کوریب، مذکور ولایت‌لرده پاکلش عملیاتلر اویوشتیریش بویریغینی بیرسه‌لر.
جناب وزیری سرپل ولایتی کینگش اعضاسیدن هم امنیتی کوچلرنی حمایت قیلیشلری باره سیده چقیره‌دی.
سرپل شمال ناتینچ ولایتلریدن سنله‌دی که بیرار پیت طالب‌لر گروهی هجوم‌لر اویوشتیریب ایریم محله لرنی اوز تصروف‌لریگه آله‌دیلر.
