افغانستان شمالی‌‌‌‌‌ده جایلشگن بغلان ولایتی‌نینگ محلی رسمیلری سرخکوتل جنگری طالب‌لر اشغالی‌گه اوتگن‌دن کیین، بو منطقه‌نینگ 90% اهالی‌سی یشش اویلرینی ترک قیلگن‌لر دیگن‌لر.
بغلان ولایت کینگشی‌نینگ اعضاسی بسم الله عطاش، بو منطقه‌ده حیات کیچیروچی 230 عیاله‌دن 200 خانه‌دانی اوی جایلرینی ترک قیلیب باشقه قیشلاق‌لریده باش پنه ایزله گن‌لر دیدی.
اونگه کوره، بو خانه دان‌لر سرخکوتل پولیس قوماندانی مبارز هزاره‌گه طرفدار ایکن‌لیکده عیب‌له‌نیب جنگری طالب‌لر تامانیدن قیناق آستی‌گه آلینگن‌لر.
او، بو خانه‌دن نینگ بیرقسمی سمنگان و ینه بیر قسمی ایسه بغلان‌نینگ بعضی منطقه‌لریده باش پنه ایزلب آواره بولگن‌لیک‌لرینی ایتگن. چادرلر آستی‌ده حیات کیچیره دیگن آواره عایله‌لرنینگ وضعتی جوده یامان دیدی او.
مساله اوچون حکومت‌نی تنقید قیلگن ولایت کینگشی‌نینگ مذکور اعضاسی، سرخکوتل جنگریلر اشغالی‌دن چیقاریلیشی اوچون مرکزی حکومت تامانیدن هیچ قنده‌ی عملیات اوتکزیلمه‌گن لیگی باره‌سیده تاکیدله‌گن.
بغلان ولایت کینگشی‌نینگ باشقه بیر اعضاسی فیروز ایماق، سرخکوتل عصیانچی‌لر تصرفی‌گه اوتیشی بیلن دندغوریده گی طالب‌لر غرب آرقه‌لی اوزلرینی بلخ – پلخمری عمومی قتناو یولی‌گه ییتکزگن‌لر دیدی.
اونینگ سوزلریگه قره‌گنده، عمومی یول اره‌لیغی‌ده جایلشگن منطقه‌نینگ 10 کیلومترلیگی‌ده ملی پولیس‌نینگ 5 حربی پوسته‌سی بار؛ اما، طالب‌لر هجوم قیلگن پیت‌ده هیچ عکس‌العمل کورستمه‌یدی.
چمه‌سی بیر هفته قوراللی طالب‌لرنینگ قملی‌ده قالگن سرخکوتل منطقه‌سی‌نینگ پولیس قوماندانی مبارز هزاره، حاضرگی کونده سرخ‌کوتل‌نی ترک قیلیب سمنگان تامان کیتگنی ایتیله‌دی.
ولایت کینگشی اعضاسی، محلی قوماندان‌نینگ یشش اویی دولت قوراللی مخالف‌لری آرقه‌لی اوت‌گه یاندیریلیب، اونینگ طرفداری دیب گمان ایتیلگن خانه‌دانلرنینگ روزغار اسباب‌لری تلالان ایتیلگن لیگینی تیل‌گه آلگن.
مبارز، هنوز هم جنگری طالب‌لر قیشلاق اهالیسی‌گه قیشلاق‌دن تشقریگه چیقیش اوچون رخصت بیرمی دیلر دیگن.
بغلان ولایت والیسی‌نینگ سوزلاوچی‌سی محمود حقمل، سرخکوتل خلقی موجود قیینچلیک‌لرینی ولایت والیسی بیلن اورته‌گه قویگن‌لر دیگن. بیراق، او اوروش جریانی‌ده بونده‌ی جنایت‌لر یوز بیریشی امکان‌دن اوزاق ایمس دیدی.
عین حالده، دندغوری و دندشهاب‌الدین‌ده‌گی جنگری طالب‌لرنینگ حربی مسوولی بولمیش عبدالله، محلی بلند مرتبه‌لی رسمیلری ادعاسینی رد قیلیب، سرخکوتل منطقه‌سیده وضعیت عادی حالت‌گه قیتگن دیگن.
اونینگ سوزلریگه کوره، قوراللی طالب‌لرگه قرشی اوروش ده بولگن شخص‌لر، امنیتی کوچلر چهارچوبه‌سی‌ده فعالیت قیلمس‌لیک اوچون ضمانت بیریش بیلن آق قیته‌دن قیشلاق‌لریگه قیته آله‌دیلر.
شونینگ‌دیک طالب‌لرنینگ بو قوماندانی مبارز هزاره‌نینگ یشش اوینی تالان قیلیب، اوت‌گه یاندیرگن لیکلرینی اعتراف قیلگن.
بغلان دندغوری منطقه‌سیده‌گی سرخکوتل پلخمری شهری‌نینگ 6 کیلو مترلیگی و بلخ – بغلان عمومی ترانسپورت یولی نینگ 200 مترلیگی‌ده جایلشگن.
