«افغانستان قهرمانلرینی قوللب قوتلش» ناملی بنیاد فعالیتگه باشلهدی. بنیاد نی آچیلیشیدن نیت افغان ملی کوچلرینی مملکت بویلیب حمایت قیلیش بولگن.
«افغان قهرمانلرینی قوللب قوتلش بنیادی» نینگ بوگون کابلده آچیلیش ییغینیده چیقیش قیلگن رحمتالله نبیل بنیاد یرهلنگنلر همده اوروشده عالمدن اوتگن حربیلر عیالهسیگه کومک ایتیش اوچون آچیلگن لیگینی تیلگه آلگن.
جناب نبیل، مذکور نا دولت تشکیلات هیچ قندهی معین سیاسی و اقتصادی هدف ایلگری سورمسلیگی بارهسیده ایشانچ بیرگن. او، بو اداره هر قندهی سوءاستعمال بولیشگه یول قوییش قربان بولگن افغان ملی کوچلریگه خیانت قیلیش دیگن.
جناب نیبلگه کوره، افغان حربیلری افغانستان ترورچیلرگه خوفسیزلیگی تامین ایتیلگن مرکزگه ایلنمس لیگی اوچون رخصت بیرمیدیلر.
بنیاد آچیلیشی مناسبتی بیلن اوتکزیلگن ییغینده سوزلهگنلردن باشقه بیری مملکت سابق ملی امنیت باشلیغی امرالله صالح، افغان ملی کوچلری اورتهسیده هماهنگلیک یوقلیگی توغریسیدهگی گزارشنی رد قیلیب، فقط سیاستچلر اورتهسیده هماهنگلیک یوق دیگن.
سیاستچیلرنی حددن کوپ مغرور دیگن جناب صالح حتی بولر امنیتی کوچلر بیلن بولگن علاقهنی هم قولدن بیرگنلر دیدی. اونینگ سوزلریگه کوره، سیاستچیلر و ملی کوچلر اورتدهسیگه بیر کونگیل کیلمهگن حالده، افغانستانده امنیتنی تامین قیلیش ممکن ایمس دیگن جناب صالح.
دشمنگه عذر زاری قلیش بیلن تینچلیک قولگه کیلمس لیگی توغریسیده تاکید ایتگن مملکت سابق ملی امنیت باشلیغی سیاستچیلر ملی کوچلر کونگلیگه جای آلیشی ضرور دیگن.
ملی کوچلرنینگ سابق باشلیغی شیرمحمد کریم، ایچکی ایشلر، مدافعه همده ملی خوفسزلیک ادارهلری اورتهسیده هماهنگلیک بولمهگن لیگی سبب حربی امکانیتلردن اساسی شکلده فایده لهنیلمیدی دیگن.
جناب کریمی نینگ سوزلریگه قرهگنده، افغان حربی کوچلری کیچه و کندوز جنگری طالبلر قورشاوویده قالهدی، لیکن اولرنینگ سیسینی ایشیته دیگن کیشی یوق. انه شو باعث اخیرگی وقتلرده افغان ملی کوچلری تلفاتی سانی آشگن دیگن جناب کریمی.
