مملکت سیک یشاوچیلری نینگ عبادتگاهلری قانلی هجوم گه دوچ کیلگنیدن کیین، اولر هند ایلچیخانهسیگه بیر نامه یوباریب، تیزلیکده افغانستان نی ترک قیلیشلرینی سورهشدی. بو هجوم مسئولیتی نی داعش گروهی بوینیگه آلدی.
مملکت سیک یشاوچیلریدن کمیده 700 تهسی بو نامه نی یوباریب، افغانستان نی تیزلیکده ترک قیلیشلرینی سورهب و افغانستان ده باشقه حیات کیچیره آلمهسلیکلرینی ایتیشگن.
داعش گروهی نینگ سیک یشاوچیلریگه قرشی سونگی هجومی 6 ساعت دوام تاپدی کیم نتیجهده، 26 کیشی هلاک و باشقه 8 کیشی یرهلندی.
مذکور نامه اندیناکسپرس آرقهلی نشر ایتیلگن کیم اونگه کیلیشیچه، داعش گروهی افغانستان سیک یشاوچیلری برابریده کتته تهدید دیر و اولرنینگ نابود قیلیش اوچون حرکت قیلهدی.
اوتگن ییل کانادا مهاجرلر وزیرلیگی نینگ اعلام قیلیشیچه، افغانستان سیکلری و هندولری مذکور ملمکت گه باریش اوچون قرار قیلینگن. افغانستان سیکلری و هندولری نینگ کانادا گه انتقال بیریش ریجهسی ننگرهار ولایتیده خودکش هجوم یوزبیرگنیدن کیین آلیندی. مذکور هجومده افغانستان نینگ 18 سیک یشاوچیسی هلاک بولدی کیم بو هجوم مسئولیتی نی داعش گروهی بوینیگه آلدی.
اولرنینگ کانادا مملکتیده انتقال تاپیشی توغریسیده ترقهتیلگن خبرلردن کیین، مملکت سیک یشاوچیلریدن قطاری اولرنینگ خوفسیزلیگی تأمینلنگنده، افغانستان نی ترک قیلمهسلیکلرینی ایتیشگن ایدی.
