افغانستان سالیق وزیری اکلیل حکیمی‌نینگ ایتیشیچه، 1395- ییل مالی بودجه‌سی اوتکن ییل‌گه قره‌گنده 6% کوپه‌یتیریلگن.
اساسی قانون‌گه کوره، نماینده‌لر کینگشی بیر آی تیکشیریب و بحث اوتکزگنی‌دن کیین، اونی تصدیق‌لشی کیره‌ک.
ینگی مالی ییل، هر ییل جدی آیی‌دن باشلنه‌دی.
سالیق وزیری بوگون (چهارشنبه) 1395- ییل مالی بودجه‌سینی سنا مجلسی تأیید قیلگنی‌دن کیین، رسمی شکلده نماینده‌لر کینگشی‌گه ارایه ایتدی.
اوشبو بودجه 461.8 میلیارد افغانی دیر، جمله‌دن 283.3 میلیاردی عادی بودجه و باشقه 188.5 میلیاردی رواجلنتیریش بودجه دییله‌دی.
شونده‌ی حالده، 1394- ییل مالی بودجه‌سی 422 میلیارد افغانی‌گه ییتیشردی، جمله‌دن 282 میلیاردی عادی بودجه و باشقه 140 میلیاردی رواجلنتیریش بودجه ایدی.
افغانستان اوزاق مدت‌لردن بویان بودجه کم‌لیگی‌گه روپه‌ره و هر ییل بودجه‌سی تشقی مملکت‌لر یاردمی بیلن توله‌دی.
گزارشلرگه کوره، افغانستان ییل‌لیک مالی بودجه‌سیدن کمیده 60% تشقی یاردم‌لر و قالگنی ایچکی منبع‌لردن تأمین ایتیله‌دی.
