بوگون «سه شنبه» حکومت رسمی لری و خلق ارا بانکی نینگ مسؤوللری آره‌سیده، مذکور بانک‌نینگ قیته توللنمه‌یدیگن نقدی یاردم شرطنامه‌سی امضاءلندی.
مالیه وزیرلیگی مسؤوللری‌نینگ ایتیشیچه، افغانستان گه خلق ارا بانکی تامانیدن ینگی‌لیک‌ده یاردم بیریله‌دیگن 691 میلیون دالردن 600 میلیون دالری ساغلیق‌نی سقلش وزیرلیگی آرقه‌لی ساغلیق خذمت‌لری توغریسیده و 51 میلیون دالری مخابرات و معلومات وزیرلیگی آرقه‌لی کاسا 1000 پروژه‌سی یانیدن فایبرنوری ترماغی‌نینگ خطی‌نی اوتکزیش اوچون صرفلنه‌دی.
مالیه وزیری‌نینگ ایتیشیچه، اوشبو بیریله‌دیگن یاردم دن قالگن 40 میلیون دالری، ظرفیت‌لرنی یوقاری کوتریش، ایکینچی‌لرگه و اوی آلیش اوچون قرضه بیره‌دیگن شعبه‌لر ایجاد ایتیلیشی و دولتی بانک‌لرده صناعت خصوصیده قرضه بیریلیشی‌گه خرچ بوله‌دی.
شونینگ‌دیک، مخابرات و معلومات وزیری شهزادگل آریوبی، خلق ارا بانکی‌نینگ 51 میلیون دالرلیک یاردمی‌نی فایبرنوری ترماغی رواجلنیشی و مملکت‌ده انترنت صفتی یوقاری بولیب و بهاسی کمه‌ییشی توغریسیده کته بیر آدیم دیب بیله‌دی.
جناب آریوبی‌نینگ ایتیشیچه، حاضر مملکت‌نینگ 25 ولایتی فایبرنوری ترماغیگه باغلنگن و باشقه 9 ولایت سونگی یاردملر صرف ایتیلگن صورتده، مذکور ترماققه باغله‌نیشی ممکن.
عین حالده، ساغلیق‌نی سقلش وزیری فیروزالدین فیروزنینگ ایتیشیچه، خلق ارا بانکی تامانیدن بیریلگن یاردملر میلادی 2021- ییل‌گچه مملکت ولایت‌لری و قیشلاقلریده اهالی ساغلیق خذمت‌لریگه قول تاپیش خصوصیده، ساغلیق خذمت‌لری ارایه ایتیلیشی، ساغلیق‌نی سقلش مرکزلر کوپه‌یتیریلیشی، همشیره‌لرنینگ سانی آشیریلیشی و توییب آوقتلنمس‌لیک کمه‌یتیریلیشی توغریسیده صرف ایتیلیشی ممکن.
بیراق، جناب فیروز، بیریلگن یاردملرنی ایسلنگن بولیم‌لرده خرچ ایتیلیشی و یخشی نتیجه بیریشی توغریسیده ییترلی ایمس دییدی.
