بوگون«سه‌شنبه» ساغلیق‌نی سقلش وزیرلیگی و ملی و خلق ارا اداره‌لری آره‌سیده 9.5 میلیون دالر ارزشی گه 206 ساغلیق‌نی سقلش مرکز قوریلیش کیلیشووی گه قول قوییلدی. اوشبو کیلیشوو اساسیده، هرات، قندهار، پکتیا، خوست، پکتیکا، جوزجان، فاریاب، بدخشان، تخار، بغلان، بامیان، غزنی و کابل ولایت لریده اونلرچه ساغلیق‌نی سقلش مرکزلر قوریلیشی‌گه قرار قیلینگن.
اوشبو کیلیشووگه قول قوییش چاغیده ساغلیق‌نی سقلش وزیری فیروزالدین فیروزنینگ ایتیشیچه، مذکور ساغلیق‌نی سقلش مرکزلرنینگ قوریلیش خرجتی خلق ارا بانکی تامانیدن توللنه‌دی.
ساغلیق‌نی سقلش وزیری گه کوره، اوتگن ییل هم مملکت‌نینگ 18 ولایتیده 172 ساغلیق‌نی سقلش مرکز قوریلگن و اونی دوامی گه باشقه 13 ولایتده 206 ساغلیق‌نی سقلش مرکز قوریله‌دی. اونینگ ایتیشیچه، اوشبو مرکزلر قوریلگنی‌دن سونگ، اهالی‌نینگ ساغلیق خصوصیده بولگن نیازلری حل بولیشی اوچون امید بیلدیره‌دی.
ساغلیق‌نی سقلش وزیرلیگی مسؤوللری‌نینگ ایتیشیچه، 13 ولایتده داکترلرنینگ حقوقی 40% کوپه‌ییشی، ساغلیق خذمت‌لری یخشی‌لنیشی و کابل و هرات ولایتیده اچ آی وی کسل‌لیگی گه قرشی کوره‌ش خذمت‌لری ارایه ایتیلیشی بو کیلیشووگه کیریتیلگن باشقه موضوع‌لر دیر.
