افغانستان تشقی ایشلر وزیرلیگی مسؤوللری نینگ ایتیشیچه، جنوبی آسیا منطقه‌یی همکارلیک‌لر بیرلیگی یا-ده سارک تشکیلاتی‌نینگ قانونلری، ایچکی قانونلر و افغانستان قیین‌چیلیک‌لری گه تینگ کیلمه‌یدی و شو یوزه‌دن مذکور تشکیلاتده افغانستان نینگ حضوری کم‌رنگ بولگن.
بوگون «یکشنبه» کابل‌ده «افغانستان بوییچه سوداگرلیک تحکیمات قانونی» ییغینیده تشقی ایشلر وزیرلیگی بوییچه بیرینچی سیاسی ریاست سرپرستی میهن سعیدی نینگ ایتیشیچه، جنوبی آسیا منطقه‌یی همکارلیک‌لر بیرلیگی یا-ده سارک تشکیلاتیده ترتیب ایتیلگن قانونلر ایچکی قانونلر و افغانستان قیین‌چیلیک‌لریگه تینگ کیلمه‌یدی و بو موضوع مذکور تشکیلاتده افغانستان حضوری کم‌رنگ بولیشی گه سبب بولگن.
جناب سعیدی، جنوبی آسیا منطقه‌یی همکارلیک‌لر بیرلیگی یا-ده سارک تشکیلاتی نینگ قانونلری گه قیته تیکله‌نیشی اوستیگه تأکیدلیدی.
شونینگدیک، جناب سعیدی نینگ ایتیشیچه، افغانستان نینگ اقتصادی ترقیاتی اوچون امنیتی و سیاسی موضوعلر اقتصادی موضوعلردن اجره‌تیلیشی کیره‌ک.
جنوبی آسیا منطقه‌یی همکارلیک‌لر بیرلیگی یا-ده سارک تشکیلاتی، میلادی 1985- ییل‌ده بنگلادیش، نیپال، هند، پاکستان، بوتان، مالدیو و سریلانکا مملکت‌لری نینگ اشتراکی‌ده اقتصادی فعالیت‌لر تیزلشتیریلیشی و بو تشکیلات گه اعضا مملکت‌لر اجتماعی نقطه‌ی نظردن رواجلنتیریلیشی مقصدی بیلن نیپال ده ایجاد ایتیلدی. افغانستان ایسه میلادی 2007- ییل‌ده مذکور تشکیلات نینگ اعضالیگی‌نی قولگه کیریتدی.
