18 یاشر زینب، تورموش اورتاغی‌نینگ اویی‌گه قیتگن، بیراق تورموش اورتاغی‌نینگ یامان حرکتی‌گه روپه‌ره بولگن. زینب‌نینگ 45 یاشر تورموش اورتاغی مخدره ماده‌گه چالینگن، زینب‌نی کلتک‌لب و اوستیگه نفت توکیب، اوزی‌نی اوتده یاندیریش‌گه مجبور قیلگن. زینب هم تیریکچیلیک‌دن زیریکنی باعث، اوزی‌نی یاندیره‌دی. زینب حاضر استقلال کسلخانه‌سیده یاتگن.
اوشبو یاش عیال کمیده بیر ییل آلدین، پایتخت‌گه یقین ولایت‌لریدن بیری‌ده، مذکور مخدره ماده‌گه چالینگن کیشی بیلن تورموش قوره‌دی. زینب‌نینگ ایتیشیچه، آته‌سی اونینگ رضایتی‌نی آلمس‌دن تورموش قوریش‌گه مجبور قیلگن. زینب‌گه کوره، تورموش اورتاغی مخدره ماده و الکول‌دن فایده‌لنه‌دی و ایریم پیت‌لرده اوندن مست بولیشی‌نی ایسته‌یدی، بیراق قرشی‌لیک کورستگن بیرچاغده، کلتک‌لنه‌دی.
زینب‌نینگ دستلبکی حیاتی هم یخشی اوتمه‌گن. مکتب‌نی قیین‌چیلیک‌ده 6- صنف‌گچه اوقیگن و اوندن کیین، آته‌سی درسی‌گه توسیق بولگن و تیکووچیلیک‌که باشله‌گن.
تورموش قورگنی‌دن کیین، تیریکچیلیک قیین‌چیلیک‌لری کوپه‌یگن. کیچه و کوندوز بیر ییل‌دیک اوتیب و کونده تورموش اوتاغی تامانیدن کلتک‌لنگن.
زینب‌نینگ ایتیشیچه، تورموش اورتاغی‌نینگ زوره‌وانلیگی و کلتک‌لریدن قاچیب، نیچه مرته آته‌سی‌نینگ اویی‌گه بارگن، بیراق عایله‌سی اونی قیته‌دن تورموش اورتاغی‌گه تاپشیرگن.
استقلال کسلخانه‌سی کوییک بولیمی باشلیغی و تیری کسل‌لیک‌لر متخصصی داکتر احمدشاه وزیرنینگ سلام‌وطندارگه ایتیشیچه، زینب‌نینگ صحی حالتی یخشی ایمس و بدنی‌دن 86 فایزی کویگن.
جناب وزیرگه کوره، کسل‌نینگ بدنی 50 فایزدن آرتیغی کویگن صورتده، تیریک‌لیگی تهدیدگه روپه‌ره بولیب و ساغه‌ییشی هم آز کورینه‌دی.
جاری ییل باشلنگنی‌دن بویان، استقلال کسلخانه‌سیده اوتکه یانگن تورت عیال واقعه‌سی رویخط‌گه آلینگن.
