.jpg)
هرات ولایتی کینگشی نینگ باشلیغی کامران علیزایی‌گه طرفدار اونلب کیشی آغیر و یینگیل قورال اسلحه بیلن جهازله‌نیب هرات خیابانلریگه چیققنلر. بولر جناب علیزایی دستلبکی محکمه تامانیدن ایکّی ییل آزادلیک‌دن محرم ایتیلگن بیر پیتده اعتراض بیلدیرماقده‌لر. جناب علیزایی فسادگه قولی بارلیگی سبب آزادلیک‌دن محروم ایتیلیشی صادر بولگن.
زوروان شخصلر عالی محکمه حکمیدن باش تارتیب خلق‌نی قانونگه قرشی جهازلنتیرگن‌لیگی بیرینیچی بار ایمس البته.
بعضی بیر سیاسی تحلیلچیلر، افغانستان حکومتی دایم زوروان شخصلرنی دوسیه‌سی تیکشیریلیشی‌دن کوز یومیب، مذکور دوسیگه نسبتن سیاسی یانده‌شگن دیدیلر. اولرنینگ تعبیریچه، بونده وضعیت‌نی دوامی کیله‌جک اوچون خواطرلی دیر.
کونده‌لیک یازووچی همده سیاسی تحلیلچی نظر پریانی نینگ سلام‌وطندارگه ایتیشیچه، حکومت ایچیده‌گی معین تیوره‌کلر زوروان شخصلرنی کته قیلیب کورسه‌تیش‌گه اولگوره‌دی.
پریانی، حکومت زوروان شخصلر اینیقسه قوراللی طرفدارگه ایگه کیشیلرنی قانونگه تاپشیریش اوچون عاجز دیگن. اونینگ سوزلریگه قره‌گنده، حکومت ایچیده‌گی بعضی بیر تیوره‌کلر کامران علیزایی اوچون فرصت یره‌تیب بیره‌دیلر. کامراننی هرات ولایتی‌ده قدرتلی شخص کورسه‌تیش اوچون بو ریجه ایلگری سوریلماقده دیگن جناب پریانی.
باشقه بیر سیاسی تحلیلچی، مملکت‌ده‌گی بعضی بیر نابرقرارلیکلرنی دوام ایتیشی ایریم بولیملرده حکومت‌نی قانون عمل‌گه آشیریشی اوچون کوچسیزلیککه دوچار قیله‌دی دیدی.
شونینگدیک جناب میران، افغانستان حکومتی بعضی بیر دوسیه‌لرگه نسبتن کوز یومه‌دی دیدی.
افغانستان جمهور رییسی سوزلاووچیسی نینگ اورین باسری دواخان مینه‌پال نینگ سلام‌وطندارگه ایتیشیچه، حکومت هیچ بیر دوسیه بیلن سیاسی یانده‌شمه‌یدی. قانون مملکت خلقی نینگ هر بیر یشاووچیسی اوستیده تطبیق ایتیله‌دی دیگن جناب مینه‌پال.
