بوگون دوشنبه 10- حمل افغانستان غربی‌ده جایلشگن هرات ولایتی‌ده بیر یاش قیز اوزینی اوزی اولدیرگن.
هرات پولیس اداره‌سی‌نینگ سوزلاووچی‌سی عبدالرووف‌احمدی نینگ سلام وطندارگه ایتیشیچه، 21 یاشر بیر قیز بوگون توش‌دن سونگ هرات شهری‌نینگ سکیزینچی ناحیه‌سی‌گه قره‌شلی سابق فرقه منطقه‌سیده اوق اوزیب اوزینی اولدیرگن.
جناب احمدی، دست‌لبکی تیکشیروولرده قیزنینگ خانه‌دانی اونی زوردن تورموش‌گه چیقاریش نیت‌ده بولگن‌لیک‌لری انیق لنگن‌لیگینی ایتگن.
اما، مذکور قیز آته‌سی نینگ توپانچه‌سی بیلن اوزینی آتیب اولدیرگن.
احمدیگه کوره، قیزنینگ آته‌سی ملی اردو منصبدار ایکن. شونینگ‌دیک احمدی تیکشیروو اوچون قیزنینگ آته‌سی قوشیمچه قیزنینگ بوله‌جک ایری اوشلب آلینگن لیگی‌نی بیلدیرگن.
بو ینگی ییل باشله‌نیشی بیلن هرات ده یوز بیرگن زوران‌لیک‌نینگ اوچینچی موردی سنه له‌دی. اوتگن اون کون جریانی‌ده هرات‌نینگ انجل ولسوال‌لیگی‌ده بیر خاتین تورموش اورتاغی آرقه‌لی اولدیریلگن ایدی.
شونیگ‌دیک بیر قیز ایسه اکه‌سی نینگ توپانچه‌سیدن فایده‌له‌نیب اوز جانیه قصد قیلگن ایدی. معلومات‌لرگه کوره، مملکت‌ده هرات عیال‌لرگه قرشی یوز بیرده دیگن زوران‌لیک نطقه نظردن بیرینچی اورین‌ده تورگن.
