د زابل مرکز (کلات) ښار اوسېدونکي او هټۍوال وايي، یو کېلو واټ برېښنا په ۲۰ افغانیو پېري چې د ورکولو وسه یې نهلري.
د دوی په وینا، حکومت باید خلکو ته د ژوند اسانتیاوې برابرې کړي، نه دا چې د لوړو تعرفو په پرې کولو سره یې خلک تر پوزې ورسېږي.
د کلات ښار اوسېدونکي عليمحمد او ژېړګل وايي، د برېښنا لګښت یې د کورنۍ تر میاشتني لګښته اوړي او حکومت باید د دې ستونزې د حل لهپاره ورته وارداتي یا لمریزه برېښنا ورکړي یا یې هم د اوسنۍ برېښنا بیه کمه کړي.
د معلوماتو له مخې اوسمهال زابل کې ۴ زرو کورونو او ۱۵ سوو دوکانونو ته برېښنا ورکړل شوې ده.
په همدې حال کې د زابل د برېښنا رییس عزتالله وحدت که څه هم د خلکو ستونزې مني، خو وايي برېښنا یې ډېزلي ده او تر ۲۰ افغانیو په کمه بیه یې نهشي پلورلی.
د وحدت په وینا، سره له دې چې برېښنا یې ډېزلي ده او د برېښنا شرکت هم تر دې پرته نور عواید نهلري، خو بیا یې هم د نورو ولایتونو په پرتله، زابلیانو ته په کمه بیه برېښنا ورکړې ده.
دا په داسې حال کې ده چې اوسمهال له تاجکستانه د راواردېدونکې برېښنا مزي تر غزني ولایته رسېدلي او ټاکل شوې د زابل ولایت له لارې د هېواد نورو سهیلي ولایتونو ته هم برېښنا ورسوي.
