زابل ولایتی‌نینگ محلی مسؤوللری، مذکور ولایتده 65 مکتب قیته آچیلگنیدن خبر بیرگن.
زابل ولایتیده معارف ریاستی‌نی باشلیغی نصرالله زاهدنینگ ایتیشیچه، خاک‌افغان، شملزی، اتغر و سیوری تومن‌لریده نیچه ییل‌دن بویان یاپیق بولگن 65 مکتب قیته‌دن آچیلگن.
جناب زاهدگه کوره، اوشبو مکتب‌لردن بیرقطاری‌نی قیته آچیلیشی طالبان گروهی‌نینگ قرشی‌لیگی گه روپه‌ره بولگن، بیراق اهالی‌نینگ علاقه‌مندلیگی باعث، قرشی‌لیک‌لرگه غلبه قازانیلگن.
زابل‌دن بولگن اوقووچی‌لرنینگ ایتیشیچه، بو ولایتده اوقیش فضاسی یخشی دیر و اولر اورگه‌تیش و تربیه‌لش بولیمی‌ده کوپراق دقت قیلینیشی‌نی طلب قیله‌دیلر.
زابل اهالیسی مکتب‌لر قیته آچیلگنیدن خرسندلیک بیلدیریب ایتیشیچه، قیزلرینی هم اوغیل باله‌لر بیلن بیرگه مکتب باریش گه آلقیش‌لیدیلر.
زابل ولایتی‌نینگ تشکیلی‌ده 250 مکتب موجود. زابل ولایتی‌نینگ معارف ریاستی تامانیدن بیریلگن رقم اساسیده، بو ولایتده 70 مینگ اوقووچی تعلیم کوره‌دی و بو آره‌دن 14 مینگ ته‌سینی قیزلر تشکیل بیره‌دی.
اوشبو رقم آره‌سیدن جاری ییل‌ده 660 کیشی 12- صنف‌نی بیتتیرگن و بو جمله‌دن 100 ته‌‌سی قیزلر دیر.
زابل ولایتی‌نینگ معارف ریاستی مسؤوللریگه کوره، اوشبو ولایتده جاری ییل 39 مکتب قوریلیشی خصوصیده قرار قیلینگن.
