زابل ولایتیده 300 عایله بدرغه بولگن زابل ولایتی‌نینگ شاجوی تومنی موسازی منطقه‌سیدن 300 دن آرتیق عایله بدرغه بولگن. اوشبو عایله‌لرنینگ ایتیشیچه، طالب‌لر اولرگه مذکور منطقه‌لردن امنیتی کوچلرگه قرشی هجوم اویوشتیریش‌لرینی بیلدیرگن و شو یوزه‌دن اولر اوی و جایلرینی ترک قیلیش‌گه مجبورلنگن.
زابل ولایت کینگشی اعضاسی اسدالله کاکرنینگ سلام‌وطندارگه ایتیشیچه، اوشبو عایله‌لر حاضرده شاجوی تومنی‌نینگ بازاری، زابل ولایتی نینگ مرکزی قلات شهری و اقارب‌لری‌نینگ اوی‌لریگه تیریک‌چیلیک قیله‌دیلر.
عین‌حالده زابل پولیس قومندانی مصطفی مایار، مذکور ولایت شاجوی تومنی یشاوچی‌لریدن طالبان گروهی‌نینگ آگاه‌لنتیریشی دن قورق‌می اوز اوی‌لریدن چیقمه‌یشلرینی سوره‌یدی. او نینگ ایتیشیچه، پولیس کوچلری طالبان گروهی‌نینگ هرقندی هجوم‌لریگه قرشی جواب قیتره‌دی. جناب مایار گه کوره، حاضرده زابل ولایتی‌نینگ شاجوی تومنی‌ده ایترلیچه حربی یوباریلگن.
طالبان گروهی بوتوغریده مدیالر بیلن صحبت قیلمه‌گن.
