غزنی ولایتی اندر ولسواللیگینینگ یشاووچیلری محلی پولیس و طالب‌لرگه قرشی قیام کوتارگن‌لرنی جنسی تجاوز، تینچ اهالینی اولدیریش و اهالیدن باج آلیش‌گه عیبله‌گنلر.
بوگون (دوشنبه) اوشبو ولسوال‌لیک نینگ اونلب اهالیسی محلی پولیس تامانیدن اولدیریلگن شخص جسدی ولایت بناسی قرشیسی‌گه کیلتیریب اعتراض بیلدیرگنلر. مذکور شخصلرنینگ ادعاسیگه کوره، اوشبو کوچلر اهالیدن باج آله‌دی، تینچ اهالینی عمومی یوللرده اوغیرلب پول تولمه‌گونگه قدر محبوس‌ده سقلنه‌دی.
اولرنینگ سوزلریگه کوره، شاولی ناملی ایکینچی شخص مذکور ولسوال‌لیکده هیچ بیر سیاسی گروه‌گه باغلیق بولمه‌گن گناه‌سیز اولدیریلگن.
شونینگ‌دیک اهالی ولایت والیسی و امنیتی مسوول‌لر بیلن اوچره‌شیب اونلب تجاوز، تینچ اهالینی اولدیریش و اوغیرلیکلر باره‌سیده صحبت قیلگنلر.
اندر ولسواللیگینینگ یشاووچیلریدن بیر حاجی گلاب‌شاه‌نینگ سوزلریگه کوره، کسل‌لرینی درمان قیلیش اوچون شفاخانه‌گه آلیب باره‌دیگنده پولیس کوچلری بولرنی طالب‌لربیلن علاقه‌سی بارلیکده عیبلب قولگه آلیب 400مینگ افغانی قولگه کیریتیش بیلن آزاد ایتیله‌دی دیگن.
شونینگ‌دیک گلاب‌شاه، محلی پولیس کوچلری قیشلاق اهالیسی‌نی کلتکلب ییگولیک آذیق آوقت و پول ییغیش‌گه سعی وحرکت قیله‌دیلر دیگن.
اهالیدن باشقه بیری مرازمحمدنینگ ایتیشیچه، محلی پولیس تورموش اورتاغی بولگن عیال‌لری اویدن آلیب کیتیب، هر کیم تعقیب ایسته اولدیریله‌دی دییه آگاه‌لنتیره‌دی.
اعتراضچی‌لردن باشقه بیری شیرخان‌نینگ سوزلریگه قره‌گنده، محلی پولیس و طالب‌لرگه قرشی عصیان کوتارگن‌لر عیال‌لرنی اوزلری بیلن آلیب کیتیب، پول قولگه کیریتیش بیلن قیته آزاد قیلینه‌دیلر.
ولایت‌نینگ ایریم ولسوال‌لیکلرده زوروانلیک‌لر و محلی پولیس تامانیدن اوز باشیمچه لیک و قانون‌نی آیاق آستی ایتیلیشینی تصدیق‌له‌گن ولایت امنیه قوماندانی جنرال امین‌الله امیرخیل‌گه کوره، مذکور شخصلر عیال‌لرنی تجاوز قیلیب قیشلاق یشاووچیلریدن زوردن پول قولگه کیریته‌دیلر.
جناب امرخیل دولت محلی پولیس و قیام کوتارگن‌لردن حمایت قیلیب نا توغری بیر شکلده «طالب سازلیک»نی حمایت ایته‌دی دیگن.
غزنی ولایتی‌نینگ اندر ولسوال‌لیگی مذکور ولایت‌نینگ نابرقرار حدودلریدن سنه‌له‌دی و اوشبو ولایت‌نینگ کوپچیلیک حدودی طالب‌لر نظارتی‌گه بولگنی ایتیله‌دی.
