د افغان سولې په اړه په قطر کې د امریکا او طالبانو د استازیو له شپږورځنیو خبرو اترو وروسته، ټاکل شوې د روانې میلادي میاشتې په ۵مه او ۶مه په مسکو کې د «بینالافغاني ډیالوګ» په نوم د سولې غونډه جوړه شي.
د راپورونو له مخې، د پخواني ولسمشر حامد کرزي په ګډون، د بهرنیو چارو وزارت پخوانی سیاسي مرستیال حکمتخلیل کرزی، د جمعیت ګوند اجرایوي رییس عطامحمد نور، پخوانی طالب چارواکی عبدالسلام ضعیف، محمد محقق او د شېرمحمد عباس ستانکزي په مشرۍ د طالبانو یو پلاوی به په یادې غونډې کې ګډون وکړي.
خو یو شمېر پخواني طالب چارواکي او سیاسي شنونکي وايي، روسیه د دا ډول غونډو په جوړولو سره په افغان سولې پروسه کې خپلې ګټې لټوي.
پخوانی طالب چارواکی سیداکبر اغا سلاموطندار ته وویل چې له افغانستانه د امریکایي ځواکونو د وتلو خبر د سیمې هېوادونو لاسوهنې ته زمینه برابره کړې او هڅه کوي چې د افغانستان له نیمڅي خپله ونډه واخلي.
د مسکو د سولې غونډه د طالباستازیو په ګډون پیل شوه
د سولې عالي شورا استازي د مسکو غونډه کې ګډون کوي
کارپوهان: حکومت دې د افغانستان په اړه د مسکو اندیښنې جدي ونیسي
ولسي جرګې د مسکو درې اړخیزې غونډې په اړه یو ځل بیا غبرګون وښود
د اکبراغا په وینا د مسکو غونډه به د افغانستان په ټیکاو کې اغیزمن رول و نه لوبوي.
نوموړی زیاتوي، د مسکو په غونډه کې به د لنډمهالې ادارې جوړولو او ځینو سیاستوالو ته پهکې د ونډې ورکولو په اړه خبرې وشي.
په همدې حال کې د سیاسي چارو شنونکی اسحاق اتمر باوري دی چې د افغان سولې په اړه د امریکا ترڅنګ، له طالبانو سره د روسیې دا ډول بېل او ځانګړي اقدامات به ناوړه پایلې ولري او که د دواړو لوریو ترمنځ دا تقابل همداسې دوام وکړي، په افغانستان او سیمه کې به د نویو نښتو رامنځته کولو لامل شي.
خو په کابل کې د روسیې سفارت د یوې خبرپاڼې په خپرولو سره ویلي، یاده غونډه په مسکو کې د افغانانو له لوري جوړېږي او روسیه پهکې یوازې د اسانچاري رول لري.
