څه موده مخکې د مخابراتو او معلوماتي ټکنالوژۍ وزیر شهزادګل اریوبي او د ولسمشر سلاکار همایون قیومي امریکا ته د افغان دولت د غوښتنو د شریکولو لهپاره د فېسبوک مرکزي ادارې ته ورغلي وو.
د مخابراتو او معلوماتي ټکنالوژۍ وزارت ویاند سایر ځلاند سلام وطندار ته وايي، د دې لیدلو موخه د «افغانستان فرهنګ او قوانین» په رڼا کې د فېسبوک کارول او په هغه کې د ښځینهوو د مصونیت موضوع وه.
ښاغلی ځلاند زیاتوي، افغان چارواکیو د فېسبوک له ادارې غوښتي چې د فېسبوکي صفحو کنټرول د دوی په واک کې ورکړي او د «فېسبوک کچسرور» ته لاسرسی د دولت لهپاره ازاد پرېږدي. facbook cache servers یو ډول کوډبندۍ ته وايي چې په هغه کې د کاروونکیو معلومات نه ثبتېږي او پهدې اساس لهدې معلوماتو استفاده نهشي کولی.
د مخابراتو او معلوماتي ټکنالوژۍ د ویاند په وینا، دولت له فېسبوک ادارې سره د هوکړهلیک په لاسلیکولو سره د بیان ازادۍ د محدودولو په هڅه کې نهدی؛ خو دولت د دینيْضد، غیرفرهنګي او ملي ارزښتونو د کنټرول لهپاره په مستیقمه توګه د فېسبوک مدیریت ته اړ دی.
د خواله رسنیو په ډله کې فېسبوک هغه رسنۍ ده چې د ډېرو جدي او ملي مسایلو د بحث تر څنګ دولت ته د هغه د کمزورۍ ټکي ورښيي.
