اوتگن کونی روسیه، چین، پاکستان و آمریکا نماینده‌لری اشتراکی بیلن مسکو ده تورت تامانلمه بیر ییغین اوتکزیلگن. اوشبو ییغینده آمریکا و طالبان آره‌سیده بولگن تینچلیک سوزلشوولرنینگ قیته باشله‌نیشی خصوصیده کیلیشیلگن.
مذکور ییغین اعضالری نینگ تاکید قیلیشیچه، افغانستانده تینچلیک تامین ایتیلیشی اوچون سوزلشوولرنینگ باشله‌نیشی اساسی یول دیر.
اوشبو ییغین اعضالری، قوشمه بیرخبرنامه آرقه‌لی، اوروش طرف‌لریدن سوزلشوولر زمینه‌سی یره‌تیلیشی اوچون زوروانلیک‌لرنی کمه‌یتیریش‌لرینی سوره‌گن‌لر.
خبرنامه‌ده کوپه‌یتیریلیشیچه، تینچلیک کیلیشوویده عیال‌لر، یاشلر و اقلیت‌لر شامل افغانستان یشاوچی‌لری نینگ حقوقلری نینگ سقله‌نیشی کیره‌ک.
اوشبو ییغین اعضالری، طالبان گروهی‌دن القاعده و باشقه تروریستی گروه‌لر بیلن بولگن رابطه‌لریگه نقطه قویشی‌نی سوره‌گن‌لر.
افغانستان تینچلیک لایحه‌سی بوییچه آمریکا خاص نماینده‌سی زلمی خلیلزاد نینگ ینگی سفرلری باشلنگنیدن سونگ، بیرینچی تورت تامانلمه ییغین روسیه میزبان‌لیگی‌گه یولگه قوییلگن.
