بوگون «دوشنبه» روحی ساغلیک ملی سمپوزیمیده نطق سوزلهگن ساغلیقنی سقلش وزیرلیگینی ساغلیک خذمتلری بوییچه اورین باسری فدامحمد پیکان نینگ ایتیشیچه، روحی کسللیکلرنی میزانی یوقاری بولگنی گه قرهگنده، اولر دارولنیشی خصوصیده اختصاص بیریلگن امکانیت ییترلی ایمس دیر.
اونگه کوره، بو بولیمده اولرنینگ قولیده بولگن امکانیت ییترلی بولمهگن؛ بیراق باشقه ادارهلرنینگ همکارلیگی بیلن مملکتده روحی کسللیکلرنی دارولش اوچون سعی و حرکت قیلهدیلر.
ساغلیقنی سقلش وزیرلیگینی ساغلیک خذمتلری بوییچه اورین باسری نینگ کوپهیتیریشیچه، روحی کسللردن اولر قولیگه توشگن گزارشلرگه کوره، مذکور کسللردن 40% هر بیر آیده روحی کسللردن بیرینی فشارینی تجربه قیلهدی.
شوتوغریده…
اونینگ ایتیشیچه، مملکت بوییچه ساغلیقنی سقلش وزیرلیگیگه 750 روحی کسللیکلر مصلحتچیسی بار و هر بیر کسلخانهده ایکی مسلکی ایشلاوچی بو توغریده فعالیت قیلهدی.
عینحالده، ساغلیقنی سقلش وزیرلیگینی سوزلاوچیسی وحیدالله مایار نینگ ایتیشیچه، کم بغللیک و ایش سیزلیک روحی کسللیکلرنینگ کوپهیشیگه سبب بولگن.
اونینگ ایتیشیچه، ساغلیقنی سقلش وزیرلیگی اختیاریگه بولگن امکانیت بیلن روحی کسللرنی درمانلش اوچون سعی و حرکت قیلهدی.
ساغلیقنی سقلش وزیرلیگی مسووللرینینگ معلوماتیگه کوره، بو بیرینچی روحی ساغلیک ملی سمپوزیمی دیر و اوشبو سمپوزیمده اشتراک قیلگنلر کسللرنینگ قیینچیلیگی و حل یولی خصوصیده مذاکره قیلهدی.
