بوگون "یکشنبه" کابلده خبری ییغین اوتکزگن سیلاولر شکایتلرینی تینگلش کمیسیونینینگ سوزلاوچیسی علیرضا روحانینینگ ایتیشیچه، سیلاو شکایتلرینی تینگلشگه اوشبو کمیسیون تیار دیر.
روحانینینگ ایتیشیچه، تعیین ایتیلگن زماندن ایلگری کمپاین یولگه قوییش خصوصیده 133 شکایت اوشبو کمیسیونگه ثبت ایتیلگن.
سیلاولر شکایتلرینی تینگلش کمیسیونی رسمیلریگه کوره، بو جملهدن 89 شکایت تیکشیریلیب و خصوصیده قرار آلینگن، 12 شکایت تیکشیریش آستیگه قرار تاپیب و باشقه 12 شکایت ایسه مدیالر کمیتهسیگه یوباریلگن.
نمایندهلر کینگشی سلاوینینگ کمپاینی باشلهنیشیدن اوچ کون اوتماقده. نامزدلر آرهسیده رقابتلر بولگنی سبب مملکت باشکنتی و باشقه قطار شهرلرنینگ یوزی اوزگرگن.
سیلاولر شکایتلرینی تینگلش کمیسیونی رسمیلری، نمایندهلر کینگشی نامزدلریدن یشش محیط خصوصیده دقت قیلیشینی سورهیدیلر.
فیفا یا-ده افغانستان ایرکین و عادلانه سیلاو بنیادینینگ اجرایی باشلیغی یوسف رشدنینگ سلاموطندارگه ایتیشیچه، اوتکن سیلاولر کمپاینلریگه قرهگنده حاضرگی کمپاینلرگه بنیادی اوزگرشلیک کیلگن؛ بیراق صورتلر و بنرلرنینگ نظمسیز شکلده قیستیریلیشی هوا دهغللیگیگه سبب بولهدی.
اونینگ ایتیشیچه، اوشبو لایحهگه نظم کیلتیریش اوچون سیلاولر ایرکین کمیسیونی و شهرلر بلدیهسینینگ قوشنی برنامه توزهتیشی کیرهک.
اوتکن کونی هرات یشاوچیلری، نامزدلرنینگ طرفدارلری تامانیدن مسکونی اویلرنینگ دیوارلری و درختلرگه صورت قیستیریلیشیدن تنقید قیلگن ایدیلر.
