د جمعیت اسلامي ګوند سرپرست صلاحالدین رباني وايي چې د دغه ګوند یوشمېر غړیو سیاسي پایښت په سیاسي ماموریت ورکړ.
د نوموړي په وینا، د یادو کسانو ځانغوښتنه د فردي او ټولنیز ناورین لامل شوې او له هغو کسانو باعزته ژوند غواړي چې په هوا کې ريښې لري.
رباني چې نن د یاد ګوند د مرکزي دفتر او «د شهید برهانالدین رباني» بنسټ په پرانستغونډه کې خبرې کولې وویل، د دغه ګوند یوشمېر غړیو په تېرو ۱۹ کلونو کې د ګوند د موخو خلاف شخصي پرېکړې کړې دي.
هغه زیاتوي، هغه کسان چې د غرب په ملاتړ واک ته رسېدلي، دولتي امکانات او د نظام دستګاه یې د سیاسي حذف لپاره ځانګړې کړې ده.
نوموړی په افغانستان کې د نړیوالې ټولنې د ملتجوړونې طرحه ناسمه بولي او وايي، په تېرو ۱۹ کلونو کې د نظام د جوړښت په اړه د ډېرو خلکو لید په پام کې نه دی نیول شوی او هېواد کړکېچ ته تللی دی.
صلاحالدین رباني د سولې په اړه هم خبرداری ورکوي، که اصلي لوري له سیاسي اجماع پرته د سولې خبرې اترې پیل کړي، دا تپل شوې سوله به له هماغه پیله له ماتې سره مخ وي.
