.jpg)
یوې حکومتي سرچینې سلاموطندار ته ویلي چې حکومت او امریکا د زور له لارې طالبان د سولې خبرې ته اړ کوي.
سرچینه د نوم نه خپرېدو په شرط وايي، امریکا د عراق او سوریې له هېوادونو پرمختللې وسلې افغانستان ته راوړي دي او د پلان لهمخې د راروانې میاشتې له پیله پر طالبانو هوايي او ځمکني ګوزارونه زیاتوي.
په دې اړه د پوځي چارو څېړونکی عتیقالله امرخېل وايي، حکومت تل د طالبانو ځپلو په برخه کې د جدي ادارې خبرې کړي دي خو په عمل کې ثابته شوې نه ده.
د ښاغلي امرخېل په خبره، که امریکا په افغانستان کې سوله او ټیکاوو غواړي له ځنډ او خنډ پرته دې د طالبانو پر اصلي ملاتړي پاکستان غوڅ فشارونه زیات کړي.
.jpg)
د پوځي چارو بل شنونکی زلمی وردګ د طالبانو پر وړاندې د حکومت پر کړنې نیوکه کوي. وايي، حکومت له یوې خوا طالبانو ته له شرط پرته د خبرو اترو وړاندیز کوي بل خوا بیا د سختو ګوزارونو خبرې کوي.
د ښاغلي وردګ په وینا، د طالبانو ځپلو په اړه به د حکومت او امریکا د جګړې طرحه مثبتې پایلې ونهلري.
افغان حکومت د کابل پروسې په دویمه غونډه کې طالبانو ته له مخکېني قید او شرط پرته د سولې خبرو اترو وړاندیز وکړ.
د سولې له دې وړاندې شوي پلان ځنې ۱۲ ورځې کېږي خو د طالبانو د بریدونو په زیاتېدو داسې ښکاري دغه ډله لا هم د خبرو لېواله نه ده.
د چارو څېړونکي وايي دا چې په نوي کال کې پر طالبانو د حکومت او امریکايي ځواکونو فشارونه زیاتېږي، نو طالبان په جګړهييز تکتیک کې بدلون راولي او د جبههيي جګړو پرځای به تر ډېره په ښارونو کې بریدونه وکړي.
