د کندوز ولایت د ملي امنیت ریاست وايي، د یو ماشوم مور او پلار یې نیولي چې د خپل ۴ میاشتني ماشوم په اورڼي کې یې مقناطیسي ماین ځای پر ځای کړی و او ښار ته یې لېږدولو.
د ملي امنیت ریاست په خپرې کړې خبرپاڼه کې لیکلي عبدالمتین او د هغه مېرمن یې له درېیو نورو ترهګرو سره هغه مهال ونیول چې د امام صاحب ولسوالۍ له اقي بای کلي د کندوز ښار ته ورتلل.
په خبرپاڼه کې راغلي دي نیول شویو کسانو په لومړنیو څېړنو کې منلې ده، چې د طالبانو د یو سرګروپ خېرن نومي قوماندان په امر یې په کندوز ښار کې په یو نظامي ګاډي ترهګریز برید کولو.
خبرپاڼه زیاتوي د ماشوم په اورڼي کې ځای پر ځاي شوي چاودېدونکي توکي خنثا شوي دي او یو عراده موټر سایکل هم امنیتي ځواکونو ته په لاس ورغلی دی.
